கொழும்பிலிருந்து யாழ் சென்ற தனியார் பஸ் விபத்து! சாரதி உட்பட மூவர் காயம்

by **sadir** Tue 3 May 2011 - 17:41

கொழும்பில் இருந்து வந்த தனியாருக்குச் சொந்தமான பேருந்து யாழ்ப்பாணம் மாம்பழம் சந்தி பகுதியில் வேகக் கட்டுப்பாட்டடை இழந்து வீட்டு மதிலுடன் மோதி விபத்துக்கு உள்ளானது.

இதில் சாரதி உட்பட மூவர் காயமடைந்ததாக தெரிவிக்கப்படுகின்ற நிலையில் யாழ் போதனா வைத்தியசாலையில் இருவரே அனுமதிக்கப்பட்டதாக வைத்தியசாலை வட்டாரங்கள் தெரிவிக்கின்றன.

இச் சம்பவம் பற்றிச் தெரியவருவதாவது,

கொழும்பில் இருந்து யாழ்ப்பாணம் நோக்கி வந்த தனியாருக்குச் சொந்தமான "ரிப் ரொப்" பேருந்து பிறிதெரு பேருந்தை முந்திச்செல்ல முற்பட்ட நிலையில் வேகக் கட்டுப்பாட்டை இழந்து விபத்துக்குள்ளானதாக தெரிவிக்கப்படுகின்றது.

இன்று காலை 6.00 மணியளவில் இடம்பெற்ற இச்சம்பவத்தில் எம்.சிவலிங்கராஜா (வயது 73),லிங்கராஜா (வயது 35) என்பவர்களே காயமடைந்து வைத்தியசாலையில் அனுமதிக்கப்பட்டவர்களாவர்.

அத்துடன் பேருந்தின் முன்பகுதி பாரிய சேதமடைந்துள்ளது.