ஸ்ருதி கமல் பாடிய டூயட் ஆர்ப்பாட்டமில்லாத அருள்நிதி படம்

முன்னாள் முதல்வரின் பேரன் அருள்நிதி நடிக்கும் படம் உதயன். வம்சம் படத்தில் Udhayanஅறிமுகமான இவர் அதன்பின் படங்களை ஒப்புக் கொள்வதில் அநியாயத்துக்கு தாமதம் காட்டினார். நல்ல கதையாக அமைய வேண்டாமா என்பதை காரணமாக சொல்லிக் கொண்டிருந்தார் அருள். அவர் தேடிய அந்த நல்ல கதை இருந்தது சாப்ளின் என்பவரிடம். படமும் வேகவேகமாக வளர்ந்தது. இந்த நேரத்தில் தான் காதும் காதும் வைத்த மாதிரி பாடல் வெளியீட்டு விழாவை நடத்தினார்கள்.

வம்சம் பட நேரத்தில் இவர் ஆளும்கட்சி அந்தஸ்தில் இருந்ததால் அநேக தடபுடலாக நடந்தது அந்த விழா. இப்போது எல்லாமே தலைகீழ் அல்லவா? பத்திரிகையாளர்களை அழைப்பதில் கூட நாலு பேர் போதும் என்கிற நிலைமை.

ஆனாலும் ஒரு சுவாரஸ்யமான செய்தியை சொல்லி இறுக்கத்தை தளர்த்தினார்கள் படக்குழுவினர். இந்த படத்தின் இசையமைப்பாளர் பிரபல சாக்சோபோன் கலைஞர் கத்ரி கோபால்நாத்தின் மகன் மணிகாந்த். ஒரு டூயட் பாடலுக்காக ஸ்ருதிஹாசனை பாட வைக்க வேண்டும் என்று நினைத்தாராம்.

இசையமைப்பாளரின் பின்னணியை சொன்னால் போதாதா? பட்டென்று ஒப்புக் கொண்டார் ஸ்ருதியும். ஒரே டேக்கில் பாடியும் கொடுத்தாராம். அடிப்படையில் இது டூயட் என்றாலும் ஸ்ருதி மட்டும்தான் பாடியிருக்கிறாராம். கத்ரியின் இசை மனசுக்கு இஸ்திரி போடட்டும்...

பொறுத்திருந்து பார்ப்போம் தகவலுக்கு நன்றி.

:”@: