பெண்ணாக மாறிய பிரிட்டிஷ் கடற்படை அதிகாரி!

பிரிட்டிஷ் கடற்படையில் அதிகாரி மட்டத்தில் இருந்த டேவிட் பையின் என்ற அதிகாரி செயற்கை பால் மாற்றத்தின் மூலம் பெண்ணாக மாறி தனது சீருடைக்கு விடை கொடுத்த பின் ஒரு “ போல்டான்ஸ்” பயிற்றுவிப்பாளராக (Pole dance) தனது புதிய வாழ்வைத் தொடங்கியுள்ளார்.

48 வயதான இவரின் தற்போதைய பெயர் நடாஷா கிறே என்பதாகும்.

ஒரு பிள்ளையின் தந்தையான இவர் நான்கு வருடங்களுக்கு முன் பெண்ணாக மாற வேண்டும் என்ற முடிவை எடுத்து அதன்படி இன்று முழுமையான பெண்ணாக மாறியுள்ளார்.

தற்போது பிரிட்டனின் வடகிழக்குப் பகுதியில் இவர் ஒரு போல்டான்ஸ் ஆசிரியராகப் பணியாற்று கின்றார்.

கடந்தாண்டில் முழுமையான மார்பக சிகிச்சையை முடித்துக் கொண்ட இவருக்கு ஏனைய ஹோர்மோன் சிகிச்சைகள் தொடர்ந்தும் வழங்கப்பட்டு வருகின்றன.

நான்கு வயதாக இருந்தபோதே தன்னுள் இந்த ஆசையும் பெண்மைக்கான உணர்வுகளும் காணப்பட்டதாக அவர் கூறுகின்றார். ஒரு பெண்ணாகப் பிறக்கவில்லையே என்ற ஏக்கமும் எப்போதும் தன்னில் காணப்பட்டதாக அவர் தெரிவித்துள்ளார்.

திருமணமாகி ஒரு பிள்ளைக்குத் தந்தையான பிறகும் கூட இந்த ஆசை இவரை விட்டுப் போகவில்லையாம். முதல் மனைவியுடன் 11 வருடங்கள் வாழ்ந்த பின் அவரை விட்டுப் பிரிந்து மீண்டும் இரண்டாவது தடவையாகவும் இவர் திருமணம் செய்து கொண்டார்.

ஏழு வருடங்களின் பின் இரண்டாவது மனைவி இவரை விவாகரத்துச் செய்தார். பெண்ணாக மாறியதன் மூலம் தனது வாழ்நாள் கனவு நனவாகியுள்ளதாகவும் அவர் குறிப்பிட்டுள்ளார்.

பிரிட்டிஷ் தொலைக்காட்சியில் பால் மாற்றம் செய்யப்பட்ட முதலாவது அறிவிப்பாளராக வரவேண்டும் என்பது தான் இவரின் தற்போதைய இலட்சியம்.

தற்போது அதற்கான முயற்சிகளில் அவர் ஈடுபட்டுள்ளார். சிறு வயதில் இருந்து ஒரு பெண் அறிவிப்பாளராக வரவேண்டும் என்பது இவரின் கனவாக இருந்து வந்துள்ளது.

நல்ல கனவு இப்படி எல்லாம் ஆசைப்படுகிறார்கள் விபரிதமான ஆசைகள்

ஆசை என்பது பெண் ஆசை பொன் ஆசை பொருல் ஆசை என்று கூறுவார்கள் இவருக்கு வந்த ஆசை இப்படி :!.: