இன்றைய ஹதீஸ் (08-06-2011)

by **நேசமுடன் ஹாசிம்** Wed 8 Jun 2011 - 10:15

பெருநாளன்று தொழுகைக்கு முன்பு குத்பா பிரசங்கத்தை ஆரம்பித்தவர் மர்வான் என்பராவார்.

அவரின்பால் ஒரு மனிதர் எழுந்து சென்று ‘குத்பாவுக்கு முன்பு தொழுகை நடத்தப்பட வேண்டும். இங்கே அது விடப்பட்டுவிட்டது.’ எனக் கூறினார்.

அதற்கு அபூஸஈது அவர்கள், “தெரிந்துகொள். எது அவர் மீது கடமையோ அதை (இவர்) கூறி முடித்துவிட்டார். ” என்று கூறி விட்டு,

“உங்களில் யாரேனும் மறுக்கப்பட வேண்டியதை (நடக்கக்) கண்டால் அதை அவரது கையால் மாற்றவும். அதற்கு அவருக்கு சக்தியில்லையென்றால் அவரது நாவால் (அதை மாற்றவும்). அதற்கும் அவருக்கு சக்தியில்லையானால் அவரது மனதால் (அதை வெறுக்கவும்) அது ஈமானில் மிகப்பலவீனமாதாகும். என அல்லாஹ்வின் தூதர் ஸல்லல்லாஹ் அலைஹி வஸல்லம் அவர்கள் கூற நான் செவியுற்றேன். ” என அபூ ஸஈத் ரளியல்லாஹ் அன்ஹு அவர்கள் கூறுகிறார்.

அறிவிப்பவர் : தாரீக் பின் ஷிஹாப் ரளியல்லாஹு அன்ஹு.