இன்றைய ஹதீஸ் (01-06-2011)

குராசான் நாட்டைச் சேர்ந்தவர்களில் ஒரு மனிதரை நான் கண்டேன். அவர் ஷஅபீயிடம் “அபா அம்ரு அவர்களே! நமக்கு முன் இருந்த குராசான்வாசிகள் “ஒரு மனிதர் தன் அடிமையை உரிமை விட்ட பிறகு அவளைத் திருமணம் செய்துகொண்டால் தனது சவாரிக்குரிய மிருகத்தை புணர்ந்தவனைப் போன்றவனாவான். ” எனக் கூறக்கூடியவர்களாக இருந்தனர் எனக் கூறினார்.

அதைக் கேட்ட ஷஅபீ அவர்கள்,

“நிச்சயமாக அல்லாஹ்வின் தூதர் ஸல்லல்லாஹ் அலைஹி வஸல்லம் அவர்கள், மூன்று சாரார்களுக்கு இரு முறை அவர்களது கூலி நல்கப்படும் என்பதாக கூறி

வேதக்காரர்களில் ஒரு மனிதர் தனது நபியையும் விசுவாசங்கொண்டு (இந்த) நபியைப்பெற்றுக்கொண்ட பின்னர் இவர்களையும் விசுவாசங்கொண்டு, இவர்களைப் பின்பற்றி, இவர்களை உண்மைப்படுத்தினால், அந்த மனிதருக்கு இரு கூலி உண்டு என்றும்,

ஓரு அடிமையானவன், கண்ணியமும் மகத்துவமும் பொருந்திய அல்லாஹ் தன் மீது கடமையாக்கியவற்றை நிறைவேற்றி வருவதோடு, தனது எஜமானருக்கு செய்ய வேண்டிய கடமைகளையும், நிறைவேற்றி வந்தால் அவருக்கு இரு கூலி உண்டு என்றும்,

ஓரு மனிதருக்கு ஒரு அடிமைப்பெண் இருந்து. அவளுக்கு உணவளித்து, அவளுக்கு உணவளிப்பதில் நல்ல முறையில் நடந்து, அவளுக்கு நல்ல ஒழுக்கத்தையும் கற்றுக் கொடுத்து, பிறகு உரிமையும் விட்டுவிட்டு, அவளை அவர் திருமணம் செய்து கொண்டால் அவருக்கு(ம்) இரு கூலிகள் உண்டு என்றும் கூறியதாக, தனது தந்தை அறிவித்தார், என அபுதர்தா பின் அபீமூஸா அவர்கள் (எனக்கு) அறிவித்தார்கள்.” என (குராசான் நாட்டவரைப் பார்த்து) கூறினார்கள்.

(வந்திருந்த) குராசான் நாட்டைச் சேர்ந்தவரைப் பார்த்து“எந்த பிரதிபலனுமின்றி இந்த ஹதீஸை எடுத்துக்கொள்வீராக! காரணம் (உமக்கு முன் வந்த மற்றொரு) மனிதர் இது (இச் செய்தியு)வுமில்லாமல் மதீனாவுக்கு பயணமாகியுள்ளார் ” என்றனர்.

ஷஅபீ அவர்களைப் பற்றிய இந்த ஹதீஸை
அறிவிப்பவர் : ஸாலிஹ் பின் ஸாலிஹ் அல்ஹதானி ரளியல்லாஹு அன்ஹு

சிறந்த ஹதீஸ் சாதிக் பகிர்விற்க்கு நன்றி