தெலுங்கு நாயகனுடன் ஊர் சுற்றும் ப்ரியாமணி

by **sadir** Sat 11 Jun 2011 - 11:21

பாலிவுட்டை நோக்கி குறி வைக்கும் ப்ரியாமணியிடம் அவருக்கு நெருக்கமான தோழிகள் சினிமா உலகில் பெண் இயக்குனராக அவதாரம் எடுத்து கலக்க வேண்டும் என்று துடித்துள்ளார்கள்.
நடிப்பில் தேசிய விருது வாங்கிய பின், இயக்கும் பணியில் இறங்க வேண்டியது தானே என்று என் தோழிகள் நச்சரிக்கிறார்கள்.

அதற்கெல்லாம் சரியான சமயம் வாய்க்க வேண்டும். இப்போதைக்கு நடிப்பில் கவனத்தை செலுத்தி, சரியாக செய்ய வேண்டும் என்பது தான் என் விருப்பம். படத்தை இயக்குவதற்கான அனைத்து விடயங்களை தெரிந்து கொண்டு இயக்குனராவேன் என்று ப்ரியா மணி பேசியிருக்கிறாராம்.

தெலுங்கு நாயகன் சுமந்த் உடன் ப்ரியாமணி ஊர் சுற்றுவதாக உறவினரிடையே நெருக்கமாக கிசுகிசு பரவியுள்ளது. நானும் சுமந்தும் நல்ல நண்பர்கள். என் குடும்பத்தில் உள்ளவர்களுக்கு சுமந்த்தை நன்றாக தெரியும். எங்கள் இருவருக்கும் மத்தியில் எந்த வித தவறான உறவும் இல்லை.

காதல், திருமணம் இரண்டில் எதுவாக இருந்தாலும் நான் எதிர்பார்க்கிறவர் தான் கிடைக்க வேண்டும். அதுவரையில் திருமணம் பற்றி எதுவும் சொல்வதற்கில்லை என்று படபடத்தாராம்.