லொறி பள்ளத்தில் வீழ்ந்து ஆறு பேர் காயம்; வட்டவலையில் சம்பவம்

by **நண்பன்** Sat 25 Jun 2011 - 13:59

லொறி பள்ளத்தில் வீழ்ந்து ஆறு பேர் காயம்; வட்டவலையில் சம்பவம்
ஹட்டன் விசேட நிருபர்
வட்டவளை பொலிஸ் பிரதேசத்துக்குட் பட்ட குயில்வத்தை பகுதியில் அரிசி ஏற்றி வந்த லொறியொன்று 30 மீற்றர் பள்ளத்தில் வீழ்ந்து விபத்துக்குள்ளானதில் அதில் காயமடைந்த ஆறு பேரை வட்டவலை மாவட்ட வைத்தியாசாலையில் அனுமதிக்கப்பட்டுள்ளனர்.

மேற்படி சம்பவம் கடந்த 23.06.2011 இரவு 11.45 மணியளவில் நிகழ்ந்துள்ளது. இச்சம்பவத்தில் சுரேஸ் வயது 24 ரவிவரன் வயது 20 கிருஷ்ணகுமார் வயது 21 ஆகியோரே வைத்தியசாலையில் அனுமதிக்கப் பட்டுள்ளனர். இவர்களில் இருவரை மேலதிக சிகிச்சைக்காக நாவலப்பிட்டு ஆதார வைத்தியசாலைக்கு இடம் மாற்றப் பட்டுள்ளதாக வைத்தியசாலை உத்தியோகஸ்த்தர் ஒருவர் தெரிவித்தார்.

சம்பவம் தொடர்பாக தெரிவிக்க படுவதாவது; திஸ்ஸமஹராமவிலிருந்து அரிசி ஏற்றி வந்து வட்டவலையில் இறக்கிவிட்டு மீண்டும் திரும்பி செல்கையிலேயே இவ்விபத்து நிகழ்ந்துள்ளது.

இதன் போது எட்டு பேர் லொறியில் பயணித்துள்ளனர். காயமடைந்தவர்கள் செனன் பகுதியைச் சேர்ந்தவர்கள் என தெரிவிக்கப்படுகிறது.

இச்சம்பவம் தொடர்பாக லொறி சாரதி கைது செய்யப்பட்டுள்ளதுடன் மேலதிக விசாரணைகளையும் வட்டவலை பொலிஸார் மேற்கொண்டு வருகின்றனர்.