சுகமான நித்திரை..

உறக்கம் என்பது ஒரு அருமருந்து. மனதின் சஞ்சலம் தீர்க்கும் மருந்து உறக்கம். கவலைகளைக் கரைக்கும் மருந்து உறக்கம். உடல் பிணியை அகற்றும் மருந்து உறக்கம். ஆழ்மனதை சுத்திகரிக்கும் மருந்து உறக்கம்.
நித்திய நியமங்களில் நித்திரைக்கு நிரந்தர இடம் உண்டு. பிறந்த குழந்தைகள் 18 மணி நேரமும், 6 வயது வரை 15 மணி நேரமும், சிறுவர்கள் 12 மணி நேரமும், பெரியவர்கள் 8 மணி நேரமும், 40 வயதிற்கு மேற்பட்டவர்கள் 10 மணி நேரமும் உறங்கினால் நமது உயிர் பேட்டரி சார்ஜ் ஆகி, ஆரோக்கியம் அழிவு படாமல் உயர்த்திடப்படும்.

உறக்கம் இல்லையென்றால், நரம்பு தளர்வு ஏற்படும். இதனால், இன்சோம்னியா நோய்ஏற்படும். அழிந்த திசுக்கள் புதுப்பிக்கப்படாது. கழிவு மண்டல நச்சுக்கள் உடலில் தேங்கும். மனம் தறிகெட்டு பாயும்.
சுவாசக்காற்று, நீர், வெப்பத் தேவை போல் உறக்கம் அத்தியாவசியக் கலை. அதை அருமையாக அனுப்பவிப்பவர்கள்மிகக் குறைவு. பகலில் தூங்கியே இரவுத் தூக்கத்தைத் தொலைத்து ஒப்புக்குத் தூங்குபவர் நம்மில் பலர் உள்ளனர். பகல் தூக்கம் பட்டுத் தூக்கம், இரவு தூக்கம் இன்பத் தூக்கம்.
நாம் படுக்கைக்கு சென்றவுடன் தூங்கும் தன்மையைப் பெற்றால், அதுவே வாழ்வின் மிகப் பெரிய அரிய பொக்கிஷமாகும். அதுவே மன நிம்மதிக்கு அத்தாட்சி, சான்றாகும்.
இரவுத் தூக்கத்தில் ஜீரண மண்டலம் தவிர மற்ற தசைநார்கள் இயக்கங்கள் முழு ஓய்வு எடுத்து அழிந்த திசுக்கள்புதுப்பித்தல் பராமரித்தல் நடைபெறுகிறது. உடலில் தேங்கும் கழிவுகள் அனைத்தும் வெளியேற்றப்படுகின்றன. குறிப்பாக நரம்பு சோர்வு, நரம்பு தளர்ச்சி சரி செய்யப்படுகிறது.

சுகமான நித்திரை கிடைக்க சில வழிகள்:

1. இரவல் தூக்க மாத்திரை, போதை வஸ்துகள் சாப்பிடக்கூடாது.
2. இரவு உணவை 7 மணி முதல் 8 மணிக்கு முடித்தல்.
3. கனி உணவாக சாப்பிடுதல் நல்லது.
4. உணவு முடித்து ஒரு மணி நேரம் கழித்து உறங்கச் செல்லுதல்.
5. படுக்கும் முன் அரை டம்ளர் அளவு நீர் பருகலாம்.
6. அலுவலக வேலை, தீர்வு கிட்டாத வேலைகளை இரவில் செய்யக் கூடாது.
7. கடவுள் சிந்தனை, மந்திரம் உச்சரிக்கலாம்.
8. மனதுக்கு பிடித்த இசை நல்லது.

##* :”@: