பச்சிளம் குழந்தைகளுக்கு மது ?

by **நேசமுடன் ஹாசிம்** Fri 1 Jul 2011 - 7:13

ஆந்திராவில் உள்ள பழங்குடியின மக்கள், தங்களின் பச்சிளம் குழந்தைகளை தூங்க வைப்பதற்காக,
அவர்களுக்கு மது புகட்டும் வினோத நடைமுறையை பின்பற்றுகின்றனர். ஆந்திராவின் மெகபூப் நகர் மாவட்டத்தில் பழங்குடியின மக்கள் கணிசமாக வசிக்கின்றனர். இவர்கள் வசிக்கும் பகுதிகளில் போதிய அடிப்படை வசதி இல்லை. படிப்பறிவு இல்லாததால், கூலி வேலை செய்து பிழைக்கின்றனர். இதிலும் எதிர்பார்த்த அளவுக்கு கூலி கிடைப்பது இல்லை.

பெரும்பாலான நாட்களில் பட்டினியோடு போராட்டம் நடத்துகின்றனர்.

தினமும் வேலைக்கு சென்றால் தான், கொஞ்சமாவது சாப்பிட முடியும் என்ற நிலை. இங்குள்ள பழங்குடியினர்களின் பச்சிளம் குழந்தைகளுக்கு கொடுப்பதற்கு கூட, பால், ரொட்டி போன்ற உணவுகள் கிடைப்பது இல்லை. அவற்றை வாங்கும் அளவுக்கு, அவர்களிடம் பணமும் இருப்பது இல்லை. குழந்தைகள் பசியால், தூங்காமல் அழுது கொண்டே இருப்பதால், இவர்களால் கூலி வேலைக்கு செல்ல முடிவது இல்லை.

இதனால், அந்தப் பகுதிகளில் தயாரிக்கப்படும் மதுவை, பச்சிளம் குழந்தைகளுக்கு புகட்டுகின்றனர். இதை குடிக்கும் குழந்தைகள், போதையில் மயங்கி, தூங்கி விடுகின்றன. இதையடுத்து, அவர்களை தூங்க வைத்து விட்டு, பெற்றோர் வேலைக்கு சென்று விடுகின்றனர்.

பச்சிளம் குழந்தைகளுக்கு, மது புகட்டப்படுவதை, ஆந்திராவைச் சேர்ந்த ஒரு "டிவி' சேனல், வெளிச்சத்துக்கு கொண்டு வந்தது. இதையடுத்து, ஆந்திராவில் பெரும் பரபரப்பு ஏற்பட்டுள்ளது. ஆந்திர அதிகாரிகள் கூறுகையில், "குழந்தைகளுக்கு பால் புகட்டும் அளவுக்கு, அவர்களுக்கு வருமானம் கிடைப்பது இல்லை என்பது உண்மையே. ஆனால், குழந்தைகளுக்கு மது புகட்டும் பழக்கம், பழங்குடியினரிடையே, நீண்ட காலமாக பின்பற்றப்பட்டு வருகிறது. இருந்தாலும், இந்த பகுதிகளில் உள்ள அங்கன்வாடி மையங்களால், இந்த குழந்தைகள் ஏன் பயன்பெற முடியவில்லை என்பது குறித்து, விசாரிக்கப்பட்டு வருகிறது' என்றனர்.

by **நண்பன்** Fri 1 Jul 2011 - 9:50

மிகவும் வருத்தமான செய்தி :pale:

பச்சிளம் குழந்தைகளுக்கு மது ?

பச்சிளம் குழந்தைகளுக்கு மது ?

Re: பச்சிளம் குழந்தைகளுக்கு மது ?