இந்திய பந்து வீச்சுக்கு தாக்கு பிடிக்க போராடும் மே. தீவுகள் அணி வீரர்கள்

இந்திய பந்து வீச்சுக்கு தாக்கு பிடிக்க போராடும் மே. தீவுகள் அணி வீரர்கள்
மே.தீவுகள் அணிக்கு இந்திய வேகப்பந்து வீச்சாளர்கள் பதிலடி கொடுத்தனர். துடுப்பாட்டத்தில் லட்சுமணன் (85) கைகொடுத்தார். மூன்று போட்டிகள் கொண்ட டெஸ்ட் தொடரில் பங்கேற்க, இந்திய அணி மே.தீவுகள் சென்றுள்ளது. முதல் டெஸ்டில் வென்ற இந்திய அணி, 1-0 என முன்னிலையில் உள்ளது. இரு அணிகள் இடையிலான இரண்டாவது டெஸ்ட் பார்படாசில் நடக்கிறது.

முதல் இன்னிங்சை துவக்கிய இந்திய அணிக்கு மேற்கு இந்திய தீவுகள் அணியின் வேகப்பந்து வீச்சாளர்கள் பெரும் தொல்லை கொடுத்தனர். இதனால் முகுந்த் (1), அனுபவ டிராவிட் (5), முரளி விஜய் (11) நிலைக்கவில்லை.

விராத் கோஹ்லியும் ‘டக் அவுட்டானார். இதன் பின் இணைந்த லட்சுமண், ரெய்னா ஜோடி அணியை சரிவிலிருந்து மீட்டனர். ஐந்தாவது விக்கெட்டுக்கு 117 ரன்கள் சேர்த்த நிலையில், டெஸ்ட் அரங்கில் நான்காவது அரைசதம் (53) கடந்த ரெய்னா, அம்பயரின் தவறான தீர்ப்பில் வெளியேற்றப்பட்டார்.

மறுமுனையில் உறுதியான ஆட்டத்தை வெளிப்படுத்தி, 50வது அரை சதம் கடந்த லட்சுமண், தொடர்ந்து அசத்தினார். அணியை காப்பாற்றுவார் என்று எதிர்பார்க்கப்பட்ட தலைவர் டோனி (2) கைவிட்டார். ஹர்பஜன் (5) இம்முறை நிலைக்கவில்லை. 85 ஓட்டங்கள் எடுத்த லட்சுமண், பிஷ¥ சுழலில் வீழ்ந்தார். அபிமன்யு மிதுன், ‘டக் அவுட்டாகி ஏமாற்றினர்.

பிரவீண்குமார் தன் பங்குக்கு 11 ஓட்டங்கள் எடுத்தார். இந்திய அணி முதல் இன்னிங்சில் 201 ஓட்டங்களுக்கு சகல விக்கெட்டையும் இழந்தது. இஷாந்த் சர்மா (1) ஆட்டமிழக்காமல் இருந்தார். மே. தீவுகள் சார்பில் எட்வர்ட்ஸ், ராம்பால், தேவேந்திர பிஷ¤ ஆகியோர் தலா 3 விக்கெட் வீழ்த்தினர்.

மே.தீவுகள் அணிக்கு ஆட்ரியன் பரத், சிம்மன்ஸ் துவக்கம் தந்தனர். இம்முறை இந்திய வேகப்பந்து வீச்சாளர்கள் பிரவீண்குமார், இஷாத் சர்மா மற்றும் அபிமன்யு மிதுன் ஆகியோர் போட்டுத் தாக்க ஆரம்பித்தனர். இஷாந்த் வேகத்தில் முதலில் பரத் (3) வெளியேறினார். சிம்மன்ஸ் (2), பிரவீணுக்கு பலியானார். டேரன் பிராவோவை (9), அபிமன்யு மிதுன் திருப்பி அனுப்பினார்.

முதல் நாள் ஆட்டநேர முடிவில் வெஸ்ட் இண்டீஸ் அணி, முதல் இன்னிங்சில் 3 விக்கெட்டுக்கு 30 ஓட்டங்கள் எடுத்து 171 ஓட்டங்கள் பின்தங்கியிருந்தது.

நேற்று முன்தினம் இரண்டாவது நாள் ஆட்டம் நடந்தது. மழை காரணமாக ஆட்டம் 45 நிமிடம் தாமதமாக துவங்கியது. இஷாந்த் சர்மா வேகப்பந்து வீச்சில் மிரட்டினார். இவரது ஓவரின் 4வது பந்தில் ‘நைட் வாட்ச்மேன் பிஷ¤ (13) பெவிலியன் திரும்பினார். இதே ஓவரின் கடைசி பந்தில், 18 ஓட்டங்கள் எடுத்திருந்த சர்வானையும் அவுட்டாக்கினார்.

உணவு இடைவேளைக்குப் பின், மழை காரணமாக போட்டி நிறுத்தப்பட்டபோது மே. தீவுகள் அணி முதல் இன்னிங்சில் 5 விக்கெட்டுக்கு 98 ஓட்டங்கள் எடுத்து 103 ஓட்டங்கள் பின்தங்கி இருந்தது. சந்தர்பால் (20), சாமுவேல்ஸ் (21) களத்தில் இருந்தனர். இந்தியாவின் இஷாந்த் சர்மா 3 விக்கெட் வீழ்த்தினார்.

லட்சுமண் 8000

85 ஓட்டங்கள் எடுத்த லட்சுமண் சர்வதேச டெஸ்ட் அரங்கில் 8000 ஓட்டங்கள் எடுத்த, நான்காவது இந்திய வீரர், உலகளவில் 22 வது வீரர் என்ற பெருமை பெற்றார். இதற்கு முன் இந்தியாவின் சச்சின் (14, 692), டிராவிட் (12,220), கவாஸ்கர் (10,122) ஆகியோர் இந்த இலக்கை எட்டியுள்ளனர். ‘டெஸ்ட் அரங்கில் 50வது அரை சதம் அடித்த மூன்றாவது இந்திய வீரர் லட்சுமண் ஆவார். இதற்கு முன் சச்சின், டிராவிட் தலா 59 அரை சதங்கள் அடித்துள்ளனர்