வகை வகையாய் வைரஸ்கள்

1. ADWARE: கணினி பயன்படுத்துபவரின் அனுமதியின்றி, அவர் அறியாமலேயே,
பதியப்படும் ஒரு புரோகிராம். ஒருவரின் இணையத் தேடல்கள் மற்றும் அவரது விருப்பங்கள் பற்றிய தகவல்களை
இந்த புரோகிராம்கள் வழியாக அறியப்பட்டு, அதற்கு தகுந்தாற்போல் விளம்பரங்களைத் தரும்.
இந்த தொல்லை ஒருபுறமிருக்க, ஹார்ட் டிஸ்க்கின் இடத்தையும், சிபியுவின்
செயல்பாட்டினையும் தேவை எதுவும் இன்றி எடுத்துக் கொள்ளும்.
Trackng Cookies என்பவையும் இதில் சேரும்.



2. BACKDOOR SANTA:
இணையத்தில் கொட்டிகிடக்கும் இலவச புரோகிராம்களால் கவரப்பட்டு அதனால் கிடைக்கும் பயன்களை விரும்பி, டவுண்லோட்
செய்து பயன்படுத்தும்போது, அதே புரோகிராம், பயன்படுத்துபவர் அறியாமலேயே, கம்ப்யூட்டரின் செயல்பாடு, அவர் செல்லும் இணைய தளங்கள் மற்றும்
இணையத்தில் வாங்கும் பொருட்கள் போன்ற தகவல்களைத் திரட்டும். (அவர் பயன்படுத்தும் புரோகிராம் இந்த வேலைகளை எல்லாம் மேற்கொள்கிறது என்று அவருக்கே
தெரியாது). Alexa மற்றும் Hotbar போன்றவை இத்தகைய புரோகிராம்களே.


3. BHO: இதனை
விரித்தால் Browser Helper Object என்று கிடைக்கும். பிரவுசரை விரித்தவுடன் இதுவும் இயங்கும். சில BHO -க்கள் நமக்கு
உதவுபவையாக இருந்தாலும், மற்றவை நம்மை இணையத்தில் திசை திருப்பி,
பாலியல் தளங்களுக்கு கொண்டு சென்றுவிடும். கம்ப்யூட்டரை இது ஹைஜாக்
செய்துவிட்டால், கம்ப்யூட்டர் மிகவும் மெதுவாக இயங்கத் தொடங்கும். சில trozan வைரஸ்கள் இதைப் பயன்படுத்தி தங்கள் வேலையை முடிக்கப்பார்க்கும் .




4. BLENDED THREAT: அதிக பட்ச சேதம் விளைவிக்கும் வைரஸ் தாக்குதல். வைரஸுடன் வோர்மும் (worm) இணைந்து
செயல்படுவது போல இயங்கும். இது இ-மெயில் வழியே வைரஸை பரப்பும்.

5. BOTNETS: நெட்வொர்க்கில், குழுவாக, இணைக்கப்பட்டுள்ள கம்ப்யூட்டர்களை குறிவைத்து இவை தாக்கும். தாக்குதல் முடிந்து, ஹேக்கர்களின்
பிடியில் வந்தப்பின் - ஹேக்கர்கள், தங்கள்
இஷ்டப்படி ஆட்டுவிப்பார்கள்.
அந்த நெட்வொர்க்,
பிறகு,

ஒரு ரோபோ (Robot
Network) போலவே செயல்படும். இதனால் தான் இதற்கு இந்த பெயர் வந்தது.


6. BROWSER HIJACKER: நாம் இணைய தளங்களைப் பார்த்துக்
கொண்டிருக்கையில், இந்த புரோகிராமினை அனுப்பியவரின் இணைய தளங்களுக்கு
நம்மை அழைத்துச் செல்லும். நாம் இயக்கிய தளங்களுக்கு,
மீண்டும், வர
இயலாததோடு, நம் பிரவுசர் செட்டிங்குகளையும், ஹோம் பக்கத்தையும் கூட மாற்றிவிடும். ஹோம் பக்கத்தை பழையபடி மாற்றினாலும், இந்த புரோகிராம் மீண்டும் தனது ஹோம் பக்கத்தை செட் செய்து மிகவும் தொல்லைக்கு உட்படுத்தும்.




7. ADWARE COOKIES: பொதுவாக குக்கிகள் என்பவை, இணைய தளங்களால், கம்ப்யூட்டரில்
பதியப்படும் சிறிய பைல்கள். இவை நமது கம்ப்யூட்டர் பற்றிய தகவல்களை

அந்த
குறிப்பிட்ட இணைய தளத்திற்கு அனுப்புவதற்காக பதியப்படுபவை. ஆனால் சில இணைய
தளங்கள் Adware Tracking Cookies ஐயும் சேர்த்தே பதிந்துவிடுகின்றன. இதனால்
இணையத்தில் மேற்கொள்ளும் பணிகள் பற்றிய தகவல்களை அவர்களுக்கு அனுப்பி கொண்டு இருக்கும்.
இதன் அடிப்படையில் அந்த தளங்கள்
விளம்பரங்களை
அனுப்பிக் கொண்டே
இருக்கும். Adware Cookies எப்போதும் மோசமானவை என்று கருதவும் முடியாது.
இருந்தாலும், இவை கம்ப்யூட்டரின் செயல்பாட்டை மந்தப்படுத்தவே செய்யும்.

8. DIALERS: ஒரு வகையான சிறிய சாப்ட்வேர் புரோகிராம், இது. அனுமதியின்றி, மோடம்
வழியாக தொலைபேசி அழைப்புகளை உண்டாக்கி, அவற்றின் மூலம் சில இணைய
தளங்களுக்கு நம்மை அழைத்து செல்லும்.
பெரும்பாலும்
பாலியல் தளங்களுக்குத்தான்
இவை தொடர்பு அளிக்கின்றன. இன்டர்நெட்
இணைப்பை
தொலைபேசி வழியாக
பெறுபவர்களுக்கு மட்டுமே இதனால் தொல்லை ஏற்படும். இந்தியாவில்
தொலைபேசி வழி இன்டர்நெட் இணைப்பு இருந்த போதும், இந்த வகை தொல்லை இருப்பதாக தகவல்கள்
இல்லை.

9. GRAYWARE: தொல்லை தரக்கூடிய வைரஸாகத் தெரியவில்லை என்றாலும், பொதுவாக தடை செய்யப்பட
வேண்டிய ஒன்றே. நம்முடைய பணிகளை நாசம் செய்யக் கூடிய சிறிய புரோகிராம்களை இந்த பெயர் கொண்டு அழைக்கப்படுகிறது. மேலே சொல்லிஇருக்கும் அத்துனை அட்வேர், டயலர்கள் போன்றவை இந்த
பெயரிலே அடங்கும்.

10. KEY LOGGERS: கம்ப்யூட்டர் கீ போர்டில் அழுத்தும் அனைத்து கீகளையும், அப்படியே, அதாவது - என்னென்ன
கீகள் அழுத்தப்பட்டன என்பதை இந்த புரோகிராம், கண்காணித்து இப்புரோகிராமினைப் பதிந்தவர்களுக்குக் காட்டும்.
குழந்தைகள் கம்ப்யூட்டரில் என்ன வகை சாப்ட்வேர்களை இயக்குகிறார்கள்;
எந்தெந்த தளங்ககளை பார்க்கிறார்கள் என்பதை கண்டறிய, இதனை
பயன்படுத்தலாம். நிறுவனங்களில் தங்கள் ஊழியர்கள், கம்ப்யூட்டரில்
மேற்கொள்ளும் செயல்பாடுகளைக் கண்காணிக்கவும் இந்த புரோகிராம்கள்
பதியப்படுகின்றன. சில கீ லாக்கர்கள் இலவசமாக இணையத்தில் கிடைக்கின்றன. சில
கட்டணம் செலுத்தினால் மட்டுமே கிடைக்கும்.

11. MALWARE: Malicious Software என்பதன் சுருக்கம். பயன்படுத்துபவரின்
அனுமதி இல்லாமல் கம்ப்யூட்டரில் நுழைந்து, தீங்கு விளைவிக்கும் அனைத்து
புரோகிராம்களும் இதில் அடக்கம்.

12. STALKING
HORSE: பிரபலமான புரோகிராம்களுடன் இணைந்து கம்ப்யூட்டரில் வந்து தங்கக்கூடியது.
கூடுதல் வசதிக்காக இது உள்ளது என்று அறிவிப்பும் செய்யும். ஆனால் நம்
வேலைகளின் தன்மைகள் குறித்த தகவல்களை, தன்னை பதிந்த தளத்துக்கு அனுப்பி, பின் விளம்பரங்களையும் அனுப்பி கொண்டு இருக்கும்.





--- அன்புடன் உங்கள் சகோதரன்:
பரங்கிப்பேட்டை - காஜா நஜிமுதீன், ரியாத்.

:];: ##*