சுதந்திர தின விழா கொண்டாட்டத்துக்கு டில்லியில் உச்ச கட்ட பாதுகாப்பு

சுதந்திர தின விழா கொண்டாட்டத்துக்கு டில்லியில் உச்ச கட்ட பாதுகாப்பு
செங்கோட்டையை சுற்றி 30 இரகசிய கேமரா, ஹெலிகொப்டர்கள் ரோந்து
சுதந்திர தின விழா கொண்டாட்டத்தை யொட்டி டில்லியில் உச்ச கட்ட பாதுகாப்பு ஏற்பாடுகள் செய்யப்பட்டு உள்ளது. பிரதமர் கொடியேற்றும் செங்கோட்டையை சுற்றி 30 இரகசிய கமராக்கள் பொருத்தப்பட உள்ளன.

ஹெலிகொப்டர்கள் தீவிர ரோந்துப் பணியில் ஈடுபடுத்தப்படவும் உள்ளன. வருகிற 15ந் திகதி நாடு முழுவதும் சுதந்திரதின விழா கோலாகலமாக கொண் டாடப்பட இருக்கிறது. தலைநகர் டெல்லி செங்கோட்டையில் பிரதமர் மன்மோகன் சிங் தேசிய கொடி ஏற்றி வைத்து சுதந் திர தின உரை நிகழ்த்துகிறா¡ர். மாநில தலை நகரங்களில் முதலமைச்சர் தேசிய கொடி ஏற்றுகிறார்கள்.

கடந்த மாதம் மும்பையில் தீவிரவாதிகள் நடத்திய தாக்குதலில் 20 பேர் பலியானார்கள். இது தொடர்பாக கைதானவர்களிடம் நடத்திய தீவிர விசாரணை, உளவுத்துறையினர் அளித்த ரகசிய தகவல்கள் அடிப்படையில், சுதந்திரத்தின விழாவை சீர்குலைக்க தீவிர வாதிகள் மீண்டும் தாக்குதல்கள் நடத்தலாம் என்றும், முன் எச்சரிக்கையாக தீவிர நடவடிக்கைகள் எடுத்து, உரிய பாதுகாப்பு மேற்கொள்ளும்படியும் மாநில அரசுகளுக்கு எச்சரிக்கை விடுக்கப்பட்டு உள்ளது.

இதைத் தொடர்ந்து டெல்லியில் தரை முதல் வான்வெளி வரை பாதுகாப்பு ஏற்பாடுகள் பலப்படுத்தப்பட்டு உள்ளன. குறிப்பாக செங்கோட்டையை சுற்றி உச்ச கட்ட பாதுகாப்பு ஏற்பாடுகள் செய்யப் பட்டு உள்ளன.

டில்லி மாநகர பொலிஸாரும் துணை இராணுவப் படையினரும், முப்படையை சேர்ந்த பாதுகாப்பு படையினரும் பல்லா யிரக் கணக்கில் இதில் ஈடுபடுத்தப்பட்டு உள்ளனர். இதேபோல் டில்லியை ஒட் டிய மாநிலங்களிலும் பாதுகாப்பை பலப் படுத்த உத்தரவிடப்பட்டு உள்ளது. வெளி மாநிலங்களில் இருந்து டில்லிக்குள் நுழை யும் வாகனங்கள் டில்லி நகரின் எல்லைப் பகுதியில் தடுத்து நிறுத்தப்பட்டு, தீவிர சோதனைக்கு பின்னரே அனுமதிக்கப்படு கின்றனர்.

தீவிரவாதிகள் ஊடுருவாமல் தடுக்கும் வகையில், ஹோட்டல்கள், தங்கும் விடுதிகள், இணைய தள மையங்கள், வாடகைக்கு குடியிருப்போரின் வீடுகள், வீட்டு வேலை செய்யும் பணியாளர்கள், பழைய கார் மற்றும் ஸ்கூட்டர் போன்ற வாகனங்களை வாங்கி விற்போர், சைச் கிள் விற்பனை செய்வோர், ஒப்பந்த தொழிலாளர்கள், இரசாயன பொருள்கள் விற்பனை செய்யும் கடைகள், டெலிபோன் பூத்துக்கள், வாடகை கார் நிறுத்தங்கள் போன்றவற்றில் தீவிர சோதனைகள் நடத்தி விலாசங்கள் மற்றும் ஆவணங்கள் சரியாக உள்ளனவா? என்று சரிபார்க்கும்படி பொலிஸாருக்கு உத்தரவிடப்பட்டு உள்ளது.

அங்கு வந்து செல்வோர் மீதோ, வாடிக் கையாளர்கள் மீதோ சந்தேகம் ஏற்பட்டால் உடனடியாக தகவல் கொடுக்கும்படி பொலிஸார் உத்தரவிட்டு உள்ளனர்.

ஹோட்டல்கள் மற்றும் விடுதிகளில் தங்கி இருப்போர், செல்போன் சிம்கார்டுகள் வாங்க தாங்கள் தங்கி இருக்கும் இடத் தின் விலாசத்தை கொடுக்க அனுமதிக்கக் கூடாது என்றும், அப்படிப்பட்ட விலா சங்களை ஏற்கக்கூடாது என்றும் செல்போன் (தொலை தொடர்பு நிறுவனங்களுக்கு) பொலிஸார் உத்தரவிட்டு உள்ளனர். ஹோட்டல்கள் மற்றும் விடுதிகளில் தங்கி இருப்போர் மீது தீவிர கண்காணிப்பு இருக்கும்படியும் யார் மீதாவது சந்தேகம் ஏற்பட்டால் உடனே தகவல் தெரிவிக்கும் படியும் பொலிஸார் உத்தரவிட்டு உள்ளனர்.

பிரதமர் மன்மோகன் சிங் கொடியேற்றும் செங்கோட்டையை சுற்றி பாதுகாப்பு படையினர் பலத்த பாதுகாப்பு ஏற்பாடுகளை செய்து உள்ளனர். செங்கோட்டையின் மீதும், செங்கோட்டையை சுற்றியுள்ள உயரமான கட்டிடங்கள் மீதும் குறி தவறாமல் சுடும் தேசிய பாதுகாப்பு படை வீரர்கள் நிறுத்தப்பட்டு, தீவிர கண்காணிப்பு செய்யப்பட உள்ளனர். செங்கோட்டையை சுற்றியுள்ள வீடுகளை பாதுகாப்பு படை யினர் தங்களது கட்டுப்பாட்டுக்குள் கொண்டு வர உள்ளனர். செங்கோட்டையை சுற்றி 30 இடங்களில் இரசிய கண்காணிப்பு கமராக்கள் பொருத்தப்பட உள்ளன.

டெல்லி நகர் மீதும், செங்கோட்டை மீதும் ஹெலிகொப்டர்கள் பறந்து தீவிர கண்காணிப்பு மேற்கொள்ள நடவடிக்கை எடுக்கப்பட்டு உள்ளது. தவிர, தீவிரவாதிகள் தாக்குதல் நடத்தினால், அதை முறியடிக்கும் வகையிலும், உடனடியாக தாக்குதல் நடத் தும் வகையிலும் விமானப் படையினர் தயார் நிலையில் நிறுத்தப்பட உள்ளனர்.

தீவிரவாதிகளின் நடமாடத்தை கண் காணிக்கவும், உடனடியாக தகவல் கொடு க்கவும் செங்கோட்டையை சுற்றி உளவாளி களை பொலிஸார் நிறுத்த உள்ளனர். தீவிரவாதிகள் தாக்குதல் நடத்தினால் உடனடியாக எதிர்தாக்குதல் நடத்த வசதி யாக அதிவிரைவுப் படையினர், வஜ்ரா, ஸ்வாட் வாகனங்களும், அம்புலன்ஸ் மற்றும் தீயணைப்பு வண்டிகளும் அப்பகுதியில் நிறுத்தப்பட உள்ளன. செங்கோட்டை தவிர பாராளுமன்ற வளாகம், விமான நிலையம், ரெயில் நிலையங்கள், வெளி மாநில பஸ் நிலையங்கள், மெட்ரோ ரயில் நிலையம் போன்ற இடங்களில் தீவிர கண்காணிப்புக்கு ஏற்பாடு செய்யப்பட்டு உள்ளன.