ஆஸியுடனான ஒருநாள் போட்டி இன்று: மாலிங்க, தரங்க அணியில் இணைவு

by **நண்பன்** Wed 10 Aug 2011 - 4:49

ஆஸியுடனான ஒருநாள் போட்டி இன்று: மாலிங்க, தரங்க அணியில் இணைவு
இலங்கை - அவுஸ்திரேலிய அணிகள் மோதும் முதலாவது ஒருநாள் போட்டி இன்று பல்லேகல சர்வதேச விளையாட்டு மைதானத்தில் இடம்பெறுகிறது.

அவுஸ்திரேலிய அணி இலங்கை அணியுடனான 20 க்கு 20 போட்டிகளில் தோல்வியைத் தழுவிய நிலையில் முதலாவது போட்டியில் கிளார்க் தலைமையிலான ஒரு நாள் அணி இன்று மோதுகின்றது.

இலங்கை அணியைப் பொறுத்தவரை காயம் காரணமாக 20 க்கு 20 போட்டிகளில் விளையாடாமல் இருந்த வேகப்பந்து வீச்சாளர் லசிந் மாலிங்க, அத்துடன் உலகக் கிண்ண கிரிக்கெட் போட்டியின் போது ஊக்கமருந்து பாவித்த குற்றத்திற்காக மூன்று மாதம் போட்டித் தடைக்குப் பின்னர் இன்றைய போட்டியில் இலங்கை அணியின் ஆரம்பத் துடுப்பாட்ட வீரர் உப்புல் தரங்க இப்போட்டியில் களமிறங்குகிறார் என்றும் தெரிய வருகிறது.

எது எப்படியோ இலங்கை அணிக்கு இப்போட்டி சாதகமாக இருக்கும் என்று கூறினால் மிகையாகாது. இலங்கை அணியில் துடுப்பாட்டம், பந்து வீச்சு என சிறந்த ஒரு அணி உள்ளதால் அவுஸ்திரேலிய வீரர்களுக்கு சற்று கடினமாகத்தான் இரு க்கும் என்றே எதிர் பார்க்கலாம். எது எப்படியோ இலங்கை அணி வீரர்கள் சொந்த மண்ணில் விளையாடுவதால் அவர்கள் முழுத் திறமையுடன் விளையாடுவார்கள் என்று எதிர்பார்க்கலாம்.