கண்ணாடி வீட்டில் இருந்து கல்எறிய வேண்டாம்: குடும்ப அரசியல் பற்றி அன்புமணி பேசுவதா? பொன்முடி கண்டனம்

சென்னை, ஆக.11-

முன்னாள் அமைச்சர் பொன்முடி வெளியிட்டுள்ள அறிக்கையில் கூறி இருப்பதாவது:-

பத்திரிகைகளுக்கு அன்புமணி அளித்த பேட்டியில் சட்டசபை தேர்தலில் மோசமாக தோல்வி அடைவோம் என்று எதிர்பார்க்கவில்லை. பல துறைகளில் அன்றைய ஆளும்கட்சி தலைமையின் குடும்ப ஆதிக்கமே இதற்கு காரணம் என்று கூறி இருக்கிறார்.

தி.மு.க.வின் தயவால் மத்தியில் மேல்- சபை உறுப்பினராகி, மந்திரியாகவும் பதவி வகித்த அன்புமணிக்கு நன்றி வேண்டாம். ஆனால் கடந்த காலத்தை மறந்துவிட்டு கண்ணாடி வீட்டில் இருந்து கல் எறியக்கூடாது. குடும்ப ஆதிக்கத்தை பற்றி அன்புமணி பேசலாமா? அவருடைய தந்தை டாக்டர் ராமதாஸ், நானோ என் குடும்பத்தினரோ சட்டமன்றத்துக்குள் அடிஎடுத்து வைக்கமாட்டோம்... அப்படி செய்தால்... என்று மேலும் அவர் என்ன சொன்னார் என்பது மக்களுக்கே தெரியும்.

அப்படி சொன்ன அவர்தான் தி.மு.க.வோடு கூட்டணி பேசுகிற ஒவ்வொரு முறையும் பாராளுமன்ற மேல்- சபை உறுப்பினர் ஒருவருக்கும் சேர்த்தே ஒப்பந்தமிட்டு அதையும் அவர் மகன் அன்புமணிக்கு வழங்கியதை மறக்கலாமா? டாக்டர் ராமதாசின் மகன், முன்னாள் மத்திய மந்திரி அவருடைய அக்காள் மகன் தங்கராஜ், நாடாளுமன்ற முன்னாள் உறுப்பினர் தங்கள் மாமனார் கிருஷ்ணசாமி, இன்றைய பாராளுமன்ற உறுப்பினர் வன்னியர் சங்க டிரஸ்ட் அம்மா சரஸ்வதி பெயரில். தங்களுடைய மைத்துனர் விஷ்ணுபிரசாத், முன்னாள் சட்டமன்ற உறுப்பினர் தங்களுடைய சித்தப்பா சீனுவாசன், சமீபகாலம் வரை பா.ம.க.வில் ஒரு தூண்.

இன்று காங்கிரஸ் அன்புமணிக்கு அரசியலில் கொஞ்சமாவது நாவடக்கம் வேண்டும். நீங்கள் அ.தி.மு.க.வுடன் சேர்ந்து பாராளுமன்ற தேர்தலில் 7 இடங்களில் நின்றீர்களே. எத்தனை இடத்தில் வென்றீர்கள் என்பதை எண்ணிப்பார்த்து பேசுங்கள். இனி வருங்கால மும் அதேபோல்தான். பா.ம.க.வில் பலர் காலி செய்துவிட்டு சென்றதே தங்களால்தான் என பேசிக் கொள்வதை சிந்தித்து அரசியல் செய்யுங்கள்.

தேர்தலிலேயே நிற்காத நீங்கள் இனி குடும்ப அரசியல் என்று பேசுவதை நிறுத்திக் கொள்ளுங்கள். இவ்வாறு அதில் கூறப்பட்டுள்ளது.

மாலை மலர்

தேர்தலிலேயே நிற்காத நீங்கள் இனி குடும்ப அரசியல் என்று பேசுவதை நிறுத்திக் கொள்ளுங்கள். இவ்வாறு அதில் கூறப்பட்டுள்ளது.
அப்படி போடு அருவாளை .இப்பதான் அரசியல் சூடு பிடிக்கிறது.
இதை விஜயகாந்துக்கும் சொல்லுங்க நல்லா உறைக்கும்படி .

:”@: