மன்னாரில் துப்பாக்கியுடன் பிடிபட்ட மர்மமனிதன்!

by **mufees** Wed 24 Aug 2011 - 17:58

[img]http://www.tamilcnn.com/upload-files/crime_logo/t56.jpg[/iமன்னாரில் சந்தேகத்திற்கிடமான முறையில் நடமாடிய மர்மமனிதன் ஒருவரை மடக்கிப் பிடித்தபோது சந்தேகநபரிடமிருந்து துப்பாக்கி மற்றும் ரவைகள் கைப்பற்றப்பட்டுள்ளது.

குறித்த மர்மமனிதர் மன்னார் தாழ்வுபாடு வீதி பட்டித்தோட்டம் கிராமத்தில் சந்தேகத்திற்கிடமான முறையில் நேற்றிரவு 8 மணியளவில் நடமாடியுள்ளார்.

பிரதேசவாசிகளால் மடக்கிப் பிடிக்கப்பட்ட குறித்த நபரை சோதனையிட்டதில் அந்நபர் வைத்திருந்த பொதியினுள் பாகங்களாக கழற்றப்பட்ட டி-56ரக துப்பாக்கியும் மற்றும் துப்பாக்கி ரவைகளும் கண்டெடுக்கப்பட்டுள்ளது.

குறித்த மர்ம நபரை மக்கள் மன்னார் மரைமாவட்ட குருமுதல்வர் அருட்தந்தை அ.விக்டர் சோசையிடம் ஒப்படைத்துள்ளனர்.

இதன் போது தாழ்வுபாடு மற்றும் பட்டித்தோட்டம் ஆகிய கிராமங்களினைச் சேர்ந்த பல நூற்றுக்கணக்காண மக்கள் மன்னார் ஆயர் இல்லத்தில் திரண்டனர்.

ஆயர் இல்லத்தில் ஒப்படைந்து சுமார் 5 நிமிடங்களில் அவ்விடத்திற்கு நூற்றுக்கணக்கான இராணுவத்தினரும் பொலிஸாரும் வருகைதந்தனர். பின் குறித்த நபரை ஆயர் இல்லத்தில் இருந்து மன்னார் பொலிஸார் கைது செய்து பொலிஸ் நிலையத்திற்கு கொண்டுசென்றனர்.

குறித்த நபர் கடற்படை வீரர் எனவும் அவருக்கு நேற்று செவ்வாய்க்கிழமை விடுமுறை வழங்காததன் காரணமாக தப்பிக்க முற்பட்டதாக கடற்படை அதிகாரிகள் தெரிவித்ததாக இராணுவம் தெரிவித்தது. ஆனால் ஆயர் இல்லப்பகுதியில் குறித்த நபர் நீண்ட நேரம் துப்பாக்கியுடன் நடமாடித்திரிந்துள்ளார்.

ஆனால் அப்பகுதியில் தொடர்ந்தும் படையினர் பாதுகாப்புக்கடமையில் ஈடுபட்டு வருகின்ற போதும் அந்நேரத்தில் குறித்த நபரை கைது செய்யாமை தொடர்பாக பல சந்தேகங்கள் மக்களுக்கு தோன்றியுள்ளது.

மன்னார் மரைமாவட்ட ஆயர் மேதகு இராயப்பு யேசேப்பு ஆண்டகை மன்னார் மரைமாவட்ட மக்கள் எதிர்நோக்கிவரும் பிரச்சினைகளுக்கு தீர்வு காண தொடர்ந்தும் பல்வேறு முயற்சிகளில் ஈடுபட்டு வருகின்றார்.இந்த நிலையில் அவரை குறிவைப்பதற்காக அரசாங்கத்தினால் ஏவப்பட்ட நபராக இருக்கலாம் என மக்கள் சந்தேகம் தெரிவிக்கின்றனர்.

இதேவேளை மன்னாரில் துப்பாக்கியுடன் கடற்படை முகாமிலிருந்து நேற்றிரவு தப்பிச் சென்ற வேளையில் கடற்படை வீரரொருவர் பொலிஸாரினால் கைது செய்யப்பட்டுள்ளதாகவும், குறித்த வீரர் மன்னார் கஜபா கடற்படை முகாமிலுள்ள கடற்படை வீரரொருவரே இவ்வாறு கைது செய்யப்பட்டுள்ளதாக கடற்படை ஊடகப்பேச்சாளர் தெரிவித்துள்ளார்.

mg] மன்னாரில் துப்பாக்கியுடன் பிடிபட்ட மர்மமனிதன்! T56