சிரியாவில் சர்வதேச குழு விசாரணை நடத்த ஐ.நா. மனித உரிமைகள் அமைப்பு முடிவு

சிரியாவில் சர்வதேச குழு விசாரணை நடத்த ஐ.நா. மனித உரிமைகள் அமைப்பு முடிவு



சிரியாவில் தொடர்ந்து மக்கள் மீது, அரசு நிகழ்த்தும் வன்முறையைக் கண்டித்துள்ள
ஐ.நா. மனித உரிமைகள் அமைப்பு, போராட்டங்களின் போது நிகழ்ந்த மனித உரிமை மீறல்கள்
குறித்து விசாரிக்க சிரியாவுக்கு சர்வதேச குழு ஒன்றை அனுப்பத் தீர்மானித்துள்ளது.
சுவிட்சர்லாந்தின் ஜெனீவா நகரில் உள்ள ஐ.நா மனித உரிமைகள் அமைப்பின் தலைமையகத்தில்
அந்த அமைப்பின் ஆணையாளர் நவநீதம் பிள்ளை தலைமையில் உறுப்பு நாடுகள் அவசரமாகக் கூடி
சிரியா நிலவரம் குறித்து விவாதித்தன. அதன்பின், சிரியா மீது கண்டனத்
தீர்மானம்கொண்டு வரப்பட்டது. 33 வாக்குகள் தீர்மானத்திற்கு ஆதரவாகவும், சீனா,
ரஷ்யா, ஈக்வடார் மற்றும் கியூபா நாடுகள் எதிர்த்தும் வாக்களித்தன. ஒன்பது நாடுகள்
வாக்கெடுப்பில் பங்கேற்கவில்லை. அரபுலகின் முக்கிய நாடுகளான சவுதி அரேபியா,
கட்டார், ஜேர்தான், குவைத் நாடுகள் தீர்மானத்திற்கு ஆதரவாக வாக்களித்தன.
தீர்மானத்தில் குறிப்பிடப்பட்டிருந்ததாவது: திட்டமிட்ட மனித உரிமை மீறல்களை விசாரணை
செய்யாமல் தண்டனை அளிப்பது அதிகளவில் இராணுவத்தைப் பயன்படுத்துதல், மக்களையும் மனித
உரிமை ஆர்வலர்களையும் கொல்லுதல், பலரைக் காணாமல் போகச் செய்தல், கைதானவர்களைக்
கடுமையான முறையில் நடத்துதல், குழந்தைகள் உட்பட அனைவரையும் சித்திரவதை செய்தல்
ஆகியவற்றை கண்டிக்கிறோம். உடனடியாக மக்களுக்கு எதிரான வன்முறைகளை சிரியா கைவிட
வேண்டும். இவ்வாறு தீர்மானத்தில் தெரிவிக்கப்பட்டது.

சிரியா விவகாரத்தில் பிற நாடுகள் தலையிட வேண்டிய அவசியம் இல்லை. அது நிலைமையை
மேலும் சிக்கலாக்கும் என சீனாவும் ரஷ்யாவும் கடுமையாக எதிர்த்ததால், தீர்மானத்தின்
கடுமையான பகுதிகள் மாற்றத்துக்குள்ளாயின. சிரியாவில் நடந்து வரும் போராட்டத்தில்
அரசால் மேற்கொள்ளப்பட்ட மனித உரிமை மீறல்கள் குறித்து, விசாரிக்க உடனடியாக ஒரு
சர்வதேச குழுவை சிரியாவுக்கு அனுப்புவதாக மற்றொரு தீர்மானம் நிறைவேற்றப்பட்டது.
இதற்கிடையில் சிரியாவின் பல்வேறு பகுதிகளில் நடந்து வரும் ஆர்ப்பாட்டங்களில்
பங்கேற்றுள்ள மக்கள், லிபியா எதிர்ப்பாளர்கள் வசம் வந்து விட்டதால் உற்சாகம்
அடைந்துள்ளனர். கடாபி போய்விட்டார். அடுத்து நீங்கள் தான் பஷர் என்று கோஷம்
இடுகின்றனர்

நடத்தி என்னத்த கிழிக்க போகிறார்கள் .சொல்லபோகிறார்கள் ?
இவர்கள் எல்லாம் பொம்மைகள் தானே .

kalainilaa wrote:நடத்தி என்னத்த கிழிக்க போகிறார்கள் .சொல்லபோகிறார்கள் ?
இவர்கள் எல்லாம் பொம்மைகள் தானே .