இயற்கையை காத்திடு!

by **மீனு** Sun 28 Aug 2011 - 1:01

புலரும் பொழுது உனக்கு- எனவே
புதுமைச்செயலில் விளக்கு
சிலந்தியின் வலை போல் வாழ்வு-அதிலுன்
சிந்தை தவறினால் தாழ்வு
மலர்ந்த பூக்கள் அழகாகும்-காய்ந்து
மடிந்த பூக்களும் விதையாகும்
உலகில் புகழுடன் வாழ்ந்திடு-உண்மை
ஓரிரைத் தத்துவம் சூழ்ந்திடு!
தென்றல் வீசுவது நமக்கு-அதனில்
தீமையை விதைப்பது எதற்கு
அன்புடன் அதை நீ காத்திடு- தூய்மை
அனுதினம் நீயும் சேர்த்திடு
அன்னை போல் அன்பைநினைத்திடு
- பூமியில்
ஐக்கியம் என்பதை இணைத்திடு
தொன்மை பூமியை காப்போம்-துன்பம்
தொடாது அதனை மீட்போம்!
குடிக்கும் நீரோ குறைவுதான்- அதனை
கொள்வோர் உலகில் நிறையத்தான்
அடிப்படை இதனை புரிந்திடு-தண்ணீர்
அசுத்தம் ஆவதை தடுத்திடு
நெடிய வாழ்வை கண்டிட- நமது
நிம்மதி என்றும் வென்றிட
துடிப்புடன் செயலில் இறங்குவோம்-
இரவில் துணிவுடன் அனைவரும் உறங்குவோம்!!

by **யாதுமானவள்** Sun 28 Aug 2011 - 1:34

தொன்மை பூமியை காப்போம்-துன்பம்
தொடாது அதனை மீட்போம்!

நிம்மதி என்றும் வென்றிட
துடிப்புடன் செயலில் இறங்குவோம்-
இரவில் துணிவுடன் அனைவரும் உறங்குவோம்!!

நல்ல பாடல் மீனு

by **மீனு** Sun 28 Aug 2011 - 1:35

by Sponsored content

இயற்கையை காத்திடு!

இயற்கையை காத்திடு!

Re: இயற்கையை காத்திடு!

Re: இயற்கையை காத்திடு!

Re: இயற்கையை காத்திடு!