இந்தோனேஷியாவில் சக்திவாய்ந்த நிலநடுக்கம்

இந்தோனேஷியாவில் சக்திவாய்ந்த நிலநடுக்கம்



இந்தோனேஷியாவில் வடக்குப் பகுதியில் உள்ள சுமத்ரா தீவில் நேற்று அதிகாலை
சக்திவாய்ந்த நிலநடுக்கம் ஏற்பட்டது.
இதனால் அங்குள்ள மேடான் நகரம் அதிர்ந்தது. இதைத் தொடர்ந்து வீடுகள் மற்றும்
கட்டிடங்கள் குலுங்கின. நிலநடுக்கம் ஏற்பட்டதை அறிந்ததும் பீதி அடைந்த மக்கள்
வீடுகளை விட்டு வெளியேறி தெருக்களில் ஓடினார்கள். சிறிது நேரம் அங்கு தங்கி
இருந்துவிட்டு மீண்டும் வீட்டுக்கு திரும்பினார்கள்.
இதற்கிடையே நிலநடுக்கம் 6.6 ரிக்டர் அளவில் பதிவாகி இருப்பதாக அமெரிக்கா புவியியல்
ஆய்வு மையம் தெரிவித்துள்ளது. பூமிக்கு அடியில் 110 கீ. மீற்றர் ஆழத்தில் மையம்
கொண்டு இருந்ததாக அறிவிக்கப்பட்டுள்ளது. நிலநடுக்கம் காரணமாக வழக்கத்தை விட கடலில்
உயரமான அலைகள் எழும்பின ஆனால் சுனாமி எச்சரிக்கை எதுவும் விடப்படவில்லை.

ஆனால்
மேடான் நகரில் சில வீடுகள் இடிந்தன. மேலும் பல கட்டிடங்களில் விரிசல்களும்,
கீறல்களும் ஏற்பட்டன. வீடு இடிந்ததில் 12 வயது சிறுவன் ஒருவன் பலியானான். மற்ற
விவரங்கள் எதுவும் வெளியிடப்படவில்லை. மீட்புப் பணி நடைபெறுகிறது. இந்தத் தகவலை
மேடான் நகர மேயர் கவுலங்காம் தெரிவித்துள்ளார்.
இந்தோனேஷியா பசிபிக் கடல் பிராந்தியத்தில் பூகம்ப அபாய பகுதியில் அமைந்துள்ளது.
இதனால் இங்கு அடிக்கடி பூகம்பமும், எரிமலை வெடிப்பு சம்பவங்களும் நடைபெறுகின்றன.

எல்லாம் அவன் ஏற்பாடு.

எல்லாம் அவன் ஏற்பாடு....ஹம்னா
மனிதன் அணுகுண்டு சோதனை, ஏவுகணை சோதனை என்ற பெயரால் இயற்கையோடு விளையாடி, இயற்கையை சேதப்படுத்தி விட்டு, இயற்கை சீற்றம், இறைவன் விளையாட்டு என்று பழியை போடுவது....
ஒவ்வொரு வினைக்கும் எதிர் வினை உண்டு என அறிவியல் வாக்கியம் மேற்கொள்கிறீர்கள். அனால் இயற்கை சீற்றம் ஏற்படும்போது......வேதாந்தம் என்?

Atchaya wrote:எல்லாம் அவன் ஏற்பாடு....ஹம்னா
மனிதன் அணுகுண்டு சோதனை, ஏவுகணை சோதனை என்ற பெயரால் இயற்கையோடு விளையாடி, இயற்கையை சேதப்படுத்தி விட்டு, இயற்கை சீற்றம், இறைவன் விளையாட்டு என்று பழியை போடுவது....
ஒவ்வொரு வினைக்கும் எதிர் வினை உண்டு என அறிவியல் வாக்கியம் மேற்கொள்கிறீர்கள். அனால் இயற்கை சீற்றம் ஏற்படும்போது......வேதாந்தம் என்?

@. @.