‘காற்று, மேகம் ஆகியவற்றின் போது காக்கத் தேடுவதும், மழையின் போதும் மகிழ்ச்சி அடைவதும்‘

by **Inudeen** Fri 14 Oct 2011 - 9:27

காற்று கடுமையாகிவிட்டால் அல்லாஹ்வின் தூதர் ஸல்லல்லாஹ் அலைஹி வஸல்லம் அவர்கள்,
‘‘அதன் நன்மையையும் அதனால் ஏற்படும் (அது தாங்கி வரும்) நன்மைகளையும், எந்த
நன்மைக்காக அது அனுப்பபட்டதோ, அதையும் உன்னிடம் நிச்சயமாக நான் கேட்கிறேன். இன்னும்
அதன் தீமை அதனால் ஏற்படும் தீமைகள், இன்னும் எத்தீமைகளுக்காக அது அனுப்பப்பட்டதோ?
அத்தீமை ஆகியவற்றிலிருந்து உன்னிடம் காக்கத்தேடுகிறேன் என கூறுவார்கள்.

வானத்தில் மேகம் கூடி இடிமின்னல்களோடு மழை பொழிய தயாராகி விட்டால் அவர்களின் நிறம்
மாறிவிடும். (அப்போது) வெளியில் செல்வார்கள். உள்ளே நுழைவார்கள். முன்னே
செல்வார்கள். பின்னே வருவார்கள். (இவ்வாறு இருக்க) மழை பெய்துவிட்டால் கவலை போய்
மகிழ்ச்சி ஏற்பட்டு விடும் அதை அவர்களின் முகத்தில் தெரிந்து கொள்வேன்.

நான் அதுபற்றிக் கேட்டேன். ஆது கூட்டத்தினர் கூறியது போன்று அது இருக்கலாம்
ஆயிஷாவே! என்றனர். அது (மேகங்கள்) அவர்களது பள்ளத்தாக்குகளை நோக்கி குறுக்கிட்டு
வந்ததை அவர்கள் பார்த்தபோது வாகனத்தின் உச்சியில் குறுக்கிட்டுவந்த இம்மேகம்
எங்களுக்கு மழையைக் கொண்டுவரும் என அவர்கள் (ஆது கூட்டத்தினர்) கூறினர்.

அறிவிப்பவர் : ஆயிஷா ரளியல்லாஹு அன்ஹா

குறிப்பு : 1 இம்மாதிரி மேகங்களுக்குப்பிறகு அல்லாஹ் மழையை பெய்யவைக்கிறான் என்பதே
இதன் கருத்து.