மோதலின்போதே கடாபி கொல்லப்பட்டார்; இடைக்கால அரசின் பிரதமர் அறிவிப்பு

மோதலின்போதே கடாபி கொல்லப்பட்டார்;
இடைக்கால அரசின் பிரதமர் அறிவிப்பு


லிபிய முன்னாள் தலைவர் முஅம்மர் கடாபி சிர்த் நகரில் இடம்பெற்ற கடைசி மோதலின் போதே
சுட்டுக்கொல்லப்பட்டதாக இடைக்கால அரசின் பிரதமர் மஹ்மூத் ஜிப்ரில் குறிப்பிட்டார்.
கடந்த வியாழக்கிழமை சிர்த் நகரில் இடம்பெற்ற கிளர்ச்சிப்படை- கடாபி ஆதரவுப்
படைகளுக்கு இடையிலான மோதலின் போது தப்பிக்க முயன்ற முஅம்மர் கடாபியின் தலையில்
குண்டடிப்பட்டதாகவும் அவரின் இரு கால்களும் துப்பாக்கிச்சூட்டில் கடும்
காயத்திற்குள்ளாகி இருந்ததாகவும் மஹ்மூத் ஜிப்ரில் ஊடகங்களுக்கு தெரிவித்துள்ளார்.
இதில் முஅம்மர் கடாபி பிடிபடும் போது இவர் கடும் காயத்திற்குள்ளாகி உயிருடனேயே
இருந்துள்ளார். எனினும் அவரை கிளர்ச்சிப் படையினர் உடனடியாக வாகனத்தில் ஏற்றி
மருந்துவமனைக்கு அழைத்துச் செல்லும் வழியில் மரண மடைந்துள்ளார்.
முஅம்மர் கடாபி பிடிபட்டதைத் தொடர்ந்து ஏ.எப்.பி. செய்திச் சேவை முதல் புகைப்படத்தை
வெளியிட்டது. கையடக்க தொலைபேசியில் இருக்கும் கெமராவில் பிடிக்கப்பட்ட அந்த புகைப்
படம் தெளிவில்லாமல் காணப்பட்டது. எனினும் இதனைத் தொடர்ந்து அல் ஜkரா வெளியிட்ட
வீடியோ காட்சியில் கடாபி உயிருடனேயே காணப்பட்டார்.
அத்துடன் மற்றுமொரு வீடியோ காட்சியில் உயிரற்ற கடாபியின் உடலை கிளர்ச்சிப்படையினர்
இழுத்துச் செல்வது போல் காட்சி அமைந்திருந்தது.
களத்தில் இருந்து வெளியான செய்தி களின்படி புரட்சி படையினரிடம் சிக் காமல்
தப்பிப்பதற்காக தனது பாது காவலர்களுடன் பாதாள சாக்கடைக் குழிக்குள் பதுங்கினார்
கடாபி. அவரைக் காப்பாற்றும் நோக்கில் அவரது பாது காவலர்குள் கடாபி உள்ளே இருப்பதாகக்
கூறினர். இதையடுத்து உள்ளே இறங்கி கடாபியை வெளியே கொண்டு வந்த புரட்சிப் படையினர்
கடாபியை சரமாரியாக அடித்து உதைத்து பின்னர் சரமாரியாகச் சுட்டுக் கொன்றனர்.
தனது உடலில் ஏற்பட்ட தாயத்தால் கடும் அவதிப்பட்ட கடாபி, சுடாதீங்க, சுடாதீங்க என்று
கெஞ்சியுள்ளார். ஆனால் புரட்சிப் படையினர் கடாபியை சுட்டுக் கொன்றுவிட்டனர்.
இது தொடர்பான வீடியோ காட்சிகள் வெளியாகியுள்ளது. அதில் உள்ள காட்சிகள் பெரும்
பரபரப்பை ஏற்படுத்தியது.
சிர்த்தில் இடம்பெற்ற இறுதிக்கட்ட போரில் கடாபி ஆதரவுப்படையினர் 50 பேருக்கும் மேல்
கொல்லப்பட்டுள்ளனர். இதன் போது கடைசி நேரத்தில் முஅம்மர் கடாபியுடன் இருந்த மெய்ப்
பாதுகாவலர் களில் 5 பேர் சுட்டுக்கொல்லப்பட்டாலும் ஒருவர் மாத்திரம் கடாபியை
காப்பாற்ற கிளர்ச்சியாளர்களுடன் போராடியதாக அங்கிருந்து வரும் செய்திகள் தெரி
விக்கின்றன.
கடாபி மகன் பலி
சிர்த்தில் இடம்பெற்ற கடைசிக்கட்ட மோதலில் முஅம்மர் கடாபியின் மகன் முதஸ்ஸிம்
கடாபியும் பலியானார். இந்த தகவலை திரிபோலிக்கான இரா ணுவ கவுன்சிலின் பேச்சாளர் அனீஸ்
அல் ஷரில் உறுதி செய்தார். கொல்லப்பட்ட முத்தஸ்ஸிம் கடாபியின் புகைப்படங்கள்
ஊடகங்களில் வெளியாகியுள்ளன. அவரது கழுத்து மற்றும் வயிற்றுப் பகுதிகளில்
துப்பாக்கிச் சூட்டுக் காயங்கள் காணப் படுகின்றன. முத்தஸ்ஸிம் கடாபி முஅம்மர்
கடாபியின் தேசிய பாதுகாப்பு படையின் ஆலோசகராக செயல்பட்ட வராவார்.
இவர் கடந்த 2009 ஆம் ஆண்டு அமெ ரிக்க - லிபிய உறவை மேம்படுத்தும் முயற்சியாக
அமெரிக்கா சென்று அந்நாட்டு வெளியுறவுச் செயலாளர் ஹிலாரி கிளின்டனை சந்தித்து
பேச்சுவார்த்தை நடத்தினார் என்பது குறிப்பிடத்தக்கது.

லிபியாவில் இனித்தான் குழப்பம் ஆரம்பிக்கும்

jasmin wrote:லிபியாவில் இனித்தான் குழப்பம் ஆரம்பிக்கும்

இடைக்கால அரசின் பிரதமர் யார் அவர் ஒரு தலையாட்டி பொம்மை இவரின் நோக்கமே கேணல் கடாபியை கொல்ல வேண்டும் என்பதே.
இவரை யார் நியமித்தார் எனவே நடந்துள்ளது கொடுமை இதற்க்குள் மோதலில்தான் கொலைசெய்யப்பட்டார் என்று சொல்லியிருப்பது வேடிக்கையாக இருக்கிறது
ஏன் என்றால் கடாபியை உயிருடன் பிடித்து என்னை சுட வேண்டாம் உங்களுக்கு நான் என்ன தப்பு செய்தேன் என்று கடாபி மன்றாடும் காட்சிகள் இன்று வீடியோக்களில் வந்துள்ளது
இவர் சிறு பிள்ளைத்தனமாக கூறுவது வேடிக்கை காட்டு மிராண்டிகளை விட மோசமாக கடாபியின் இறந்த உடலை பாதையால் இழுத்துக்கொண்டு போனது எந்தளவு அநியாயம் என்பதனை மக்கள்தான் சொல்ல வேண்டும்