மீன்பிடிப்பு இல்லாத காலத்தில் ரூபா நாலாயிரம் நிவாரணம் வழங்கும் திட்டம்

மீன் பிடிப்பு இல்லாத காலத்தில் மீனவர்களுக்கு ரூ. 4 ஆயிரம் நிவாரணம் வழங்கும் திட்டத்தை முதல்வர் ஜெயலலிதா தொடங்கி வைத்தார்.

தமிழக கடலோரப் பகுதியில் ஒவ்வொரு வருடமும் பருவ மழைக் காலங்களில் பாதகமான பருவச் சூழ்நிலை மற்றும் வங்ககாக விரிகுடா பகுதியில் புயல் சின்னம் உருவாகுதல் ஆகிய காரணங்களினால், மீனவர்கள் மீன் பிடிக்க இயலுவதில்லை. இதனால் பருவமழைக் காலங்களான மூன்று மாதங்கள் மீன் பிடிப்பு குறைந்த காலங்களாக கருதப்படுகின்றன. இந்தக் காலங்களில் மீனவர் குடும்பம் ஒன்றுக்கு ரூ. 4 ஆயிரம் வீதம் நிவாரணம் வழங்கப்படும் என்று அ.தி.மு.க. தேர்தல் அறிக்கையில் வாக்குறுதி அளித்திருந்தது. இதன்படி இந்தத் திட்டத்தினை முதல்வர் ஜெயலலிதா தலைமைச் செயலகத்தில் வியாழக்கிழமை 10 மீனவக் குடும்பங்களுக்கு தலா ரூ. 4 ஆயிரம் காசோலை வழங்கி தொடங்கி வைத்தார்.

எந்தெந்த மாதங்களில் திருவள்ளூரில் இருந்து ராமநாதபுரம் மாவட்டம் வரை உள்ள மாவட்டங்களில் அக்டோபர் முதல் டிசம்பர் வரையிலான மூன்று மாதங்கள், கன்னியாகுமரி மாவட்டத்தில் ஜனவரி முதல் மார்ச் வரையிலான மூன்று மாதங்கள், திருநெல்வேலி மற்றும் தூத்துக்குடி மாவட்டங்களில் ஏப்ரல் முதல் ஜூன் வரையிலான மூன்று மாதங்கள் மீன்பிடிப்பு குறைந்த காலங்களாகும்.

ரூ. 70 கோடியே 4 இலட்சம் ரூபாய் செலவில் இந்தத் திட்டம் செயல்படுத்தப்படும். இந்தத் திட்டத்தின் கீழ் தமிழ்நாட்டில் 13 கடலோர மாவட்டங்களில் உள்ள 591 மீனவர் கிராமங்களில் வசிக்கும் சுமார் ஒரு இலட்சத்து 70 ஆயிரம் மீனவக் குடும்பங்கள் பயன்பெறும். தமிழ்நாட்டில் 13 கடலோர மாவட்டங்களில் உள்ள மீனவர்களுக்கு மீன் பிடிப்பு குறைந்த குறைந்த 3 மாதங்களுக்கு தேசிய கடல் மீனவர் சேமிப்பு மற்றும் நிவாரணத் திட்டத்தின் கீழ் கடல் மீனவர் ஒவ்வொருவருக்கும் ரூ 1,800 வீதம் நிவாரணத் தொகையும் ஏற்கெனவே தமிழக அரச வழங்கி வருகிறது. இந்த நிகழ்ச்சியில் தலைமைச் செயலாளர் தேபேந்திரநாத் சாரங்கி, மீன் வளத்துறை அமைச்சர் கே.ஏ. ஜெயபால் உட்பட அரசு உயர் அலுவலர்கள் பங்கேற்றனர்.

மிகவும் நல்ல திட்டம் தகவலுக்கு நன்றி சம்ஸ்

இது அதிமுக காரனுக்கு மட்டும்தான் கிடைக்கும் இதனால் மற்றவர்களுக்கு பயன் இருக்காது