குழந்தைப் பேறு இல்லாத பெண் ஆஸ்பத்திரியில் சிசுவை திருடினார்!

குழந்தைப் பேறு இல்லாத பெண் ஆஸ்பத்திரியில் சிசுவை திருடினார்!
கர்ப்பிணி வேடமிட்ட நாடகம் அம்பலம்
ஆஸ்பத்திரியில் குழந்தை திருடிய பெண் பற்றி புதிய தகவல் வெளியாகி உள்ளது. தனக்கு குழந்தை பிறக்காததால் கர்ப்பிணியாக நடித்து வளைகாப்பு நடத்தியது தெரிய வந்து இருக்கிறது.

சென்னை ராயபுரம் எஸ். என். செட்டி தெருவை சேர்ந்தவர் அனுசுயா (வயது 29) இவரது கணவர் லாரன்ஸ் (30) இவர்களுக்கு குழந்தை இல்லை. சென்னை ராயபுரம் ஆர். எஸ். ஆர். எம். ஆஸ்பத்திரியில் புகுந்து அனுசியா தன்னை மருத்துவ தாதி என்று கூறிக்கொண்டு தடுப்பூசி போட வந்து இருப்பதாக கூறி சென்னை தாம்பரத்தை அடுத்த சேலையூரை சேர்ந்த ஜனனி (24) என்பவரது ஆண் குழந்தையை திருடியதாக கைது செய்யப்பட்டார். அவரை பொலிஸார் கைது செய்து குழந்தையை மீட்டனர்.

இது தொடர்பான மகளிர் பொலிஸார் அனுசுயாவிடம் தீவிர விசாரணை நட த்தினார்கள். அப்போது அவர் அளித்துள்ள வாக்குமூலத்தில் கூறியிருப்பதாவது; எனக்கு திருமணம் ஆகி 2 ஆண்டுகள் ஆகிறது. ஆனால் எனக்கு குழந்தை இல்லை. என் கணவர் என்னிடம் அடிக் கடி குழந்தை கேட்டு சண்டை போட்டு வந்தார். குழந்தைக்காக எங்களது இல்லற வாழ்க்கையில் பிரச்சினை வந்து விடக் கூடாது என கருதி குடும்பத்தாரிடம் கர்ப்பி ணியாக நடித்தேன். இதனால் என் கடும்பத்தினர் மிகுந்த சந்தோஷம் அடை ந்தனர்.

எனது பொய்யை நம்பி எனக்கு ஏழு மாதத்தில் வளைகாப்பு விழாவுக்கு குடும்பத்தினர் ஏற்பாடு செய்தனர். அதன்படி எனது குடும்பத்தினர் பத்திரிகை அடித்து ஒரு திருமண மண்டபத்தில் வளைகாப்பு விழாவை நடத்தினர். இதனால் எனக்கு பயம் அதிகரித்தது . இனிமேல் குழந்தைக்கு என்ன செய்யப் போகிறோம் என்ற கவலை வந்து விட்டது. இந்த பிரச்சினைக்கு முற்றுப்புள்ளி வைப்பதற்காக ஆஸ்பத்திரியில் பரிசோதனை க்கு செல்லும்போது அங்கு குழந்தையை திருடி விட்டு, ஆஸ்பத்திரியில் தனக்கு குழந்தை பிறந்ததாக நாடகமாடி வீட்டாரை நம்ப வைக்க மீண்டும் ஒரு திட்டத்தை தீட்டினேன். அதன்படி தனக்கு ஆஸ்பத்திரியில் பரிசோதனை செய்வதாக கூறி சென்னை ராயபுரம் ஆர். எஸ். ஆர். எம். ஆஸ்பத்திரிக்கு சென்று தாதியாக நடித்து ஜனனி என்ற பெண்ணிடம் குழந்தையை திருடி வெளியே வந்த போது காவலாளியிடம் சிக்கி விட்டேன் இவ்வாறு அதில் அனுசுயா கூறினார்.

குழந்தையை திருடியதற்காக அவரை பொலிஸார் கைது செய்து சென்னை ஜார்ஜ் டவுன் நீதிமன்றத்தில் ஆஜர் படுத்தி புழல் சிறையில் அடைத்தனர்.