பபுவா நியு கினியாவில் இரு பிரதமர் மோதல்; இராணுவ தளபதி வீட்டுக்காவலில்

by *சம்ஸ் Fri 27 Jan 2012 - 9:31

பபுவா நியு கினியாவில் இரு பிரதமர் மோதல்; இராணுவ தளபதி வீட்டுக்காவலில்
பபுவா நியு கினியா இராணுவத்தின் சிறு குழுவொன்று கலவரத்தில் ஈடுபட்டுள்ளது.

இந்த குழுவினர் தலைநகர் மொர்சாபியில் இராணுவத் தளபதி பிரான்ஸிஸ் அக்வியை வீட்டுக்காவலில் வைத்துள்ளனர்.

பபுவா நியு கினியாவில் அண்மைக்காலமாக ஏற்பட்டுள்ள அரசியல் நெருக்கடியால் அங்கு இருவர் பிரதமராக அறிவித்துள்ளனர். பீட்ட ஒனைல் மற்றும் மைக்கல் செமரை ஆகியோர் தம்மை பிரதமராக அறிவித்து மோதலில் ஈடுபடும் நிலையிலேயே இச்சம்பவம் இடம்பெற்றுள்ளது.

இராணுவத்தின் 12 முதல் 20 வரையான வீரர்கள் நேற்றுக் காலை இராணுவத் தலைமையகத்தை முற்றுகையிட்டு இராணுவத் தளபதி பிரான்ஸிஸ் அக்வியை வீட்டுக்காவலில் வைத்துள்ளதாக அவுஸ்திரேலியாவின் ஏ.பி. சி. தொலைக்காட்சி செய்தி வெளியிட்டுள்ளது.

இந்த கலவரத்தில் ஈடுபடும் இராணுவக் குழுவுக்கு ஓய்வுபெற்ற முன்னாள் தளபதி யவ்ரா சாசா தலைமை வகிக்கிறார். இவர் தம்மை புதிய இராணுவத் தளபதியாக அறிவித்துள்ளார். எனினும் தாம் கலவரத்தில் ஈடுபடவில்லை என்றும் தம்மை பிரதமர் மைக்கல் டெமரெவின் அரசு இராணுவ தளபதியாக நியமித்ததாகவும் அவர் கூறியுள்ளார். இதில் தற்போது வீட்டுக் காவலில் இருக்கும் தளபதி அக்பி பிரதமராக தம்மைக் கூறிக்கொள்ளும் மற்றையவரான ஒனையிலை ஆதரிக்கிறார் என்பது குறிப்பிடத்தக்கது.