கரண் படத்துக்கு : எதிர்ப்புகள் கிளம்பின , போராட்டம்.!

"தம்பி வெட்டோத்தி சுந்தரம்' படத்தின் கதை தமிழக - கேரள எல்லையில் நடந்த உண்மை சம்பவத்தை தழுவி உருவாகியுள்ளதால் இந்தப் படத்துக்கு எதிர்ப்புகள் கிளம்பியுள்ளன.

இந்தக் கதையில் வரும் கதாபாத்திரங்கள் பத்து ஆண்டுகளுக்கு முன் காவல் துறையால் தேடப்பட்டவர்களாம். சிலர் இன்னும் உயிரோடு இருக்கிறார்களாம். கரணின் வெட்டோத்தி சுந்தரம், அஞ்சலியின் லூர்து மேரி ஆகிய கேரக்டர்கள் அனைவரும் இன்னும் வாழ்ந்து கொண்டிருப்பதாக கூறப்படுகிறது.

இதனால் அவர்கள் தரப்பிலிருந்து படத்துக்கு எதிர்ப்புகள் கிளம்பி வந்த வண்ணம் உள்ளன.
இது குறித்து இயக்குநர் வடிவுடையான் கூறியது:
"படப்பிடிப்பின் போதே இந்தப் படத்துக்கு பலத்த எதிர்ப்புகள் கிளம்பின. அதையெல்லாம் மீறி இப்படத்தை இப்போது முடித்திருக்கிறோம். இப்போது படம் இறுதிக் கட்ட பணிகளில் இருக்கிறது. திரும்பவும் என்னிடமும் என்னைச் சார்ந்தவர்களிடமும் படத்தை திரையிடக் கூடாது என சிலர் பேசி வருகிறார்கள்.

"தம்பி வெட்டோத்தி சுந்தரம்' என்பவரின் வாழ்வியல் கதையாக இருந்தாலும் அவரைப் பற்றி தவறாக சித்தரிக்கவில்லை என கூறி வருகிறேன். இந்தப் படத்தில் குமரி மாவட்ட மக்களின் பிரச்னைகளையும் பேசி இருக்கிறேன்.

தென்கோடி தமிழர்களின் கவனிக்கப்படாத வாழ்க்கையையும், அதனால் நிகழும் வன்முறையையும், ஒரு தனிப்பட்ட மனிதனின் மதம் சார்ந்த அழகிய காதலையும் சொல்லி இருக்கிறேன். எதிர்ப்பவர்களை புரிய வைக்க முயற்சி செய்கிறேன்'' என்றார்.