படையினரிடம் அனுமதி பெற்றே தொழிலுக்கு செல்ல வேண்டிய நிலை!

June 27th, 2012 அன்று பிரசுரிக்கப்பட்டது.

அனலைதீவு, எழுவைதீவு மீனவர்கள் படையினரின் அனுமதி பெற்றே தொழிலுக்கு செல்ல வேண்டியுள்ளதாக விசனம் வெளியிட்டுள்ளனர்.

ஊர்காவற்றுறை பிரதேச சபையில் நடைபெற்ற தீவுப்பகுதி அபிவிருத்தி தொடர்பான கூட்டத்திலேயே இதனை தெரிவித்தனர்.

மீனவர்கள் தொழிலுக்குச் செல்வதற்கு அடையாள அட்டைகளைக் காட்டி அனுமதி பெற்றே செல்ல வேண்டியுள்ளது.

இதனால் தொழிலை மேற்கொள்வதில் சிரமங்களை எதிர்கொள்வதாக அனலைதீவு, எழுவைதீவு மீனவர்கள் ஊர்காவற்றுறை பிரதேச சபையில் நடைபெற்ற தீவுப்பகுதி அபிவிருத்தி தொடர்பான கூட்டத்தில் விசனம் வெளியிட்டனர்.

இது குறித்து கூட்டத்தில் கருத்து வெளியிட்ட நாடாளுமன்ற உறுப்பினர் மு.சந்திரகுமார் கடற்படை அதிகாரிகள் வழங்கும் அடையாள அட்டைகள் அவசியமற்றவை. இலங்கையில் அரசு வழங்கும் தேசிய அடையாள அட்டை மட்டுமே தேவை. ஏனைய அடையா அட்டைகள் அவசியமில்லை. ஏனைய பகுதிகளில் தொழில் செய்வதற்குப் படையினரின் அனுமதி தேவைப்படாத நிலையில் இங்கு மட்டும் எதற்கு இப்படி அனுமதி பெறவேண்டும் எனக் கேள்வி எழுப்பியதுடன் இது தொடர்பாக நடவடிக்கை எடுப்பதாகவும் தெரிவித்தார்.