பாகிஸ்தான் வீரர்கள் அறைக்குச் சென்ற இந்திய அணி வீரர்...

by **ansar hayath** Fri 28 Dec 2012 - 2:17

பெங்களூரு போட்டியில் களத்தில் மோதிக் கொண்ட வீரர்கள் இஷாந்த் சர்மா, கம்ரான் அக்மல் இருவரும் இப்போது நல்ல நண்பர்களாகி விட்டார்களாம்.

பெங்களூருவில் நடந்த முதல் “டுவென்டி-20′ போட்டியில், இந்தியாவின் இஷாந்த் சர்மா, பாகிஸ்தானின் கம்ரான் அக்மல் ஆகியோருக்கு இடையே வாக்குவாதம் ஏற்பட்டது. இப்பிரச்னையில் இஷாந்த்துக்கு 15 சதவீதம், கம்ரான் அக்மலுக்கு 5 சதவீதம் அபராதம் விதிக்கப்பட்டது.

இச்சம்பவம் குறித்து பாகிஸ்தானில் இருந்து வெளியாகும் “தி எக்ஸ்பிரஸ்’ பத்திரிகையில் வெளியான செய்தி:

போட்டி முடிந்தவுடன் இந்திய வீரர் இஷாந்த் சர்மா, பாகிஸ்தான் வீரர்கள் அறைக்கு சென்றார். அங்கிருந்த கம்ரான் அக்மல், “என்ன ஆச்சு இஷாந்த் சர்மா, ஏன் இப்படி நடந்து கொண்டீர்கள்’ என, கேட்டார்.

இதற்கு பதில் தெரிவித்த இஷாந்த் சர்மா, நான் எவ்வித தகாத வார்த்தையும் பேசவில்லை. இதை தவறான முறையில் புரிந்து கொண்டீர்கள் என, கூறினார். இதன் பின் அங்கு வந்த சில “சீனியர்’ வீரர்கள், இருவரையும் நட்பாக இருக்குமாறு தெரிவித்தனர்.

தற்போது இப்பிரச்னையை மறந்து இருவரும் நண்பர்களாகிவிட்டனர். பின், ஆமதாபாத் போட்டிக்காக பெங்களூருவில் இருந்து விமானத்தில் சென்ற போது, இஷாந்த் சர்மா, கம்ரான் அக்மல் இருவரும் சிரித்து பேசிக் கொண்டே சென்றார்கள். தவிர, இந்திய அணி கேப்டன் தோனி, விராத் கோஹ்லி மற்றும் சில இந்திய வீரர்கள், பாகிஸ்தான் வீரர்களுடன் இணைந்து “டின்னருக்கு’ சென்றனர்.

இவ்வாறு அந்த பத்திரிகையில் தெரிவிக்கப்பட்டுள்ளது.

இதுகுறித்து பாகிஸ்தான் அணி மானேஜர் அக்ரம் சீமா கூறுகையில்,”" அனைத்து சம்பவங்களும் மைதானத்தில் தான் நடக்கும். ஏனெனில், இரு அணியினரும் வெற்றி பெறுவதையே விரும்புவர். மற்றபடி இரு அணியினர் இடையே நல்ல நட்புறவு தான் உள்ளது,” என்றார். :!+: @.