படித்த இளைஞர் யுவதிகளுக்கு அவர்கள் வதியும் தோட்டங்களியே தொழில் வழங்க வண்டும்

by *சம்ஸ் Wed 6 Feb 2013 - 7:29

படித்த இளைஞர் யுவதிகளுக்கு அவர்கள் வதியும் தோட்டங்களியே தொழில் வழங்க வண்டும்

இ.தொ.கா. வலியுறுத்தல்

கூட்டு ஒப்பந்தத்து க்கு அமைவாக மலை யக பெருந்தோட்டங்களில் படித்த இளைஞர்
யுவதிகளுக்கு தாங்கள் வதியும் தோட்டங்களிலேயே தத்தமது தகுதிகளுக்கேற்ப தொழில்
வாய்ப்பு வழங்கப்பட வேண்டுமென்று கோட்பாடு உள்ளதால் அதனை அமுல்படுத்த வேண்டியது
தோட்டக் கம்பனிகளதும், தோட்ட நிருவாகங்களினதும் பாரிய கடமையாகும் என இலங்கை
தொழிலாளர் காங்கிரஸ் தெரிவித்துள்ளது.
இது தொடர்பாக இ.தொ.கா. வெளியிட்டுள்ளதாவது:
அண்மையில் புசல்லாவ பிளாண்டேசனுக்கும் இலங்கை தொழிலாளர் காங்கிரஸ¤க்குமிடையில்
நடைபெற்ற தொழிலாளர் எதிர்நோக்கும் பிரச்சினைகளுக்கு தீர்வு காணும் கலந்துரையாடல்
ஒன்று கால்நடை அபிவிருத்தி அமைச்சில் இடம்பெற்றது. தோட்டத் தொழிலாளர்கள் தினமும்
எதிர்நோக்கும் பிரச்சினைகளான மலசல கூடம், தண்ணீர் வசதி, உள்ளிட்ட வயது வந்த ஆண்,
பெண் இருபாலருக்கும் பெயர் பதிதல், வீட்டு மரக்கறி தோட்டங்களுக்கு இடம் ஒதுக்குதல்
விளையாட்டு மைதானங்கள், நோயாளர்களை அவசர சிகிச்சைக்காக எடுத்துச் செல்லும்
அம்பியுலன்ஸ் வாகன வசதி, போன்ற பல்வேறு கோரிக்கைகளுக்கு தீர்வு காணப்பட்டது.

இதை
தவிர தோட்டத் தொழிலாளர்களுக்கு நேரிடும் இழப்புகள் தொடர்பிலும் தோட்ட நிர்வாகம்
கவனம் செலுத்த வேண்டும் என்பதையும் இதன் போது வலியுறுத்தப்பட்டது.
புசல்லாவ பிளாண்டேசனுக்கு உரித்தான 24 தோட்டங்கள் அமைந்துள்ள இத்தோட்டங்கள்
அனைத்திலும் மேற்குறித்த விடயங்கள் தீர்க்கப்படவுள்ளன.
இக்கலந்துரையாடலில் இ.தொ.கா. சார்பில் இ.தொ.கா. பொதுச் செயலாளரும் அமைச்சருமான
ஆறுமுகன் தொண்டமான், தலைவரும், பிரதி அமைச்சருமான முத்து சிவலிங்கம், உபதலைவர் திரு.
துரை மதியுகராஜா, தொழிலுறவு இயக்குனர் எஸ். ஜோதிக்கண்ணன், நிர்வாகச் செயலாளர் வெ.

ஜீவானந்தராஜா, சிரேஷ்ட தொழிலுறவு இயக்குனர் எம். வேங்குருசாமி, உள்ளிட்ட இ.தொ.கா.
பிராந்திய உத்தியோகத்தர்களும் கலந்து கொண்டனர். கம்பனி சார்பில் அதன் பணிப்பாளர்,
புசல்லாவ பிளாண்டே சனுக்குரிய தோட்ட அதிகாரிகளும் கலந்து கொண்டனர்.

நன்றி தினகரன்