மனசு மட்டும்

by **rammalar** Mon 25 Mar 2013 - 7:04

-
நான் முந்தி நீ முந்தி என்று
தத்தமது காரியம் பார்க்க
சாரி சாரியாய் விரையும்
மக்கள் - நடைபாதையோரம் -
-
வேக வேகமாய்
ஒன்றையொன்று
தாண்டியும் பின்னர் ஊர்ந்தும்
சேரும் இடம் நோக்கில் பேருந்துகள்
-
வகிடு எடுத்தபடி
நேர்க்கோட்டில் ஊர்ந்து
சோளம் சுமக்கும் எறும்புகள் -
நேர்க்கோடாய் பெருக்கல்
குறியீடாய்
நீண்டும் குறுகியும் வளைந்தும்
பிறையாய்
இரைதேடும் இலக்கோடு
சிறகடிக்கும் பறவைக் கூட்டம்
-
எல்லாம் சேர்ந்து சேர்ந்து
எல்லாம் பக்கம் பக்கம்
-
மனசு மட்டும்
இரகசியமாய்
தன்னந் தனியாய் உள்ளுக்குள்
எதையோ சுமந்தபடி!
-
-----------------------------
கோவை பழநிசாமி
நன்றி: விளக்குகள் எரியாத வீதி (கவிதைத் தொகுப்பு)