கூடங்குளம் அணு உலை உதிரி பாகங்கள் தரமானவை: அணுமின் நிலைய வளாக இயக்குனர் தகவல்

ராதாபுரம், ஏப்.4-

கூடங்குளம் அணுமின் நிலையத்தில் நடைபெறும் சோதனை ஓட்டத்தை கண்டித்து, அணு உலை எதிர்ப்பாளர்கள் நேற்று முற்றுகை போராட்டம் நடத்தினார்கள். இது குறித்து அணுமின் நிலைய வளாக இயக்குனர் சுந்தர் கூறியதாவது:-

கூடங்குளம் அணுமின் நிலையத்தில் சோதனை ஓட்டம் நடத்துவதால் சத்தம் வருகிறது. அதுவும் பகலில்தான் இந்த சத்தம் கேட்கும். அந்த சத்தத்தால் யாருக்கும் எந்த பாதிப்பும் ஏற்படாது. சுற்றுச்சூழலுக்கும் பாதிப்பு கிடையாது. எனவே யாரும் அச்சம் அடைய தேவையில்லை. கூடங்குளம் அணுமின் நிலையத்தில் தரமற்ற உதிரி பாகங்கள் பயன்படுத்தப்படுவதாக உதயகுமார் கூறி இருக்கிறார்.

இது உண்மைக்கு புறம்பான குற்றச்சாட்டு. அணுமின் நிலையத்துக்கு தேவையான ஒவ்வொரு பொருளும் எங்கிருந்து வாங்கப்பட வேண்டும், அதன் தரம் எவ்வாறு இருக்க வேண்டும், அதை எப்படி உபயோகிக்க வேண்டும் என்பது குறித்து ஆராய வல்லுனர்கள் குழுவை அமைத்து இருக்கிறோம். அந்த குழுவின் முடிவுப்படி உலகின் பல இடங்களில் இருந்து உதிரி பாகங்கள் வாங்கப்பட்டு உள்ளன.

ஒவ்வொரு பொருளும் வாங்கியது தொடர்பான ஆவணங்களையும், கோப்புகளையும் பாதுகாத்து வருகிறோம். இதற்காக அணுமின் நிலைய வளாகத்தில் பெரிய அலுவலகமே இயங்கி வருகிறது. உதிரி பாகங்கள் வாங்கியது தொடர்பாக எந்த ஊழலும் நடக்கவில்லை. நடைபெறவும் முடியாது. அணு உலையில் தரமான உதிரி பாகங்கள்தான் பயன்படுத்தப்பட்டு உள்ளன.

இவ்வாறு அணுமின் நிலைய வளாக இயக்குனர் சுந்தர் கூறினார்.

மாலைமலர்

தரமான உதிரி பாகங்கள்தான்...!
-
நம்புவோம்...தட்டுப்பாடின்றி மின்சாரம் வந்தா சரி...
-

rammalar wrote:தரமான உதிரி பாகங்கள்தான்...!
-
நம்புவோம்...தட்டுப்பாடின்றி மின்சாரம் வந்தா சரி...
-

@. @.

முதலில் மின்சாரம் வரட்டும் பிறகு தெரிந்துவிடும்

தரமா? தகரமா ? என்று

:)