சஞ்சய் தத் சரணடைய இன்று இறுதி நாள்

சஞ்சய் தத் சரணடைய இன்று இறுதி நாள்
மும்பை தொடர் குண்டு வெடிப்பு வழக்கில் சிறைத் தண்டனை விதிக்கப்பட்ட நடிகர் சஞ்சய் தத் சரணடைய மேலும் கால அவகாசம் அளிக்க உச்ச நீதிமன்றம் மறுத்துவிட்டது.

மும்பையில் 1993 ஆம் ஆண்டு நடந்த குண்டு வெடிப்பு வழக்கில் நடிகர் சஞ்சய் தத்துக்கு தடா நீதிமன்றம் 6 ஆண்டு தண்டனை விதித்தது. இதை 5 ஆண்டாக குறைத்த உச்ச நீதிமன்றம், சரணடைய 4 வார அவகாசம் அளித்தது. 250 கோடி முதலீட்டில் தயாரிக்கப்படும் 7 படங்களில் நடிக்கிறேன். சரணடைய 6 மாதம் அவகாசம் தர வேண்டும்” என்று சஞ்சய் தத் மனு தாக்கல் செய்தார்.

மனுவை விசாரித்த நீதிபதிகள் சதாசிவம், பி.எஸ். சவுகான் ஆகியோர் கொண்ட பெஞ்ச் சஞ்சய் தத் சரணடைய 4 வார அவகாசம் அளித்தது. இதன்படி, சஞ்சய் தத் இன்று சரணடைய வேண்டும். இந்நிலையில் சஞ்சய் தத் நடிக்கும் 2 படங்களின் தயாரிப்பாளர் படப்பிடிப்பு முடிவடையும் வரை கெடுவை நீடிக்க வேண்டும் என்று மனுதாக்கல் செய்திருந்தார். இந்த மனுவை நீதிபதிகள் நேற்று முன்தினம் தள்ளுபடி செய்தனர். சஞ்சய் தத் சரணடைய மேலும் அவகாசம் தர முடியாது என்று தீர்ப்பில் கூறியுள்ளனர்.

மும்பை தடா சிறப்பு நீதிமன்றத்தில் சஞ்சய் தத் நேற்று முன்தினம் ஒரு மனு தாக்கல் செய்தார். அதில் ‘சமூக விரோதி களாலும், பழைமைவாத அமைப்புகளாலும் எனது உயிருக்கு ஆபத்து உள்ளது. தடா நீதிமன்றத்தில் சரணடைய வந்தால், எனது உயிருக்கு இவர்களால் ஆபத்து ஏற்படலாம்.

மேலும் முதன் முதலில் எனக்கு தண்டனை அளித்த போது, மும்பையில் இருந்து புனேக்கு பொலிஸ் வாகனத்தில் அழைத்துச் செல்லப்பட்டேன். அப்போது பத்திரிகையாளர்கள் 120 கி.மீ. தூரத்துக்கு வாகனங்களில் துரத்தி வந்தனர். அதுபோன்ற நிலையை இந்த முறை தவிர்க்க விரும்புவதால் தடா சிறப்பு நீதிமன்றத்தில் சரணடைவதற்கு பதிலாக ஏரவாடா சிறையில் சரணடைய அனுமதிக்க வேண்டும்” என்று கூறியுள்ளார். இதை விசாரணைக்கு ஏற்ற நீதிபதி சனாப், இதற்கு பதில் அளிக்க சி.பி.ஐக்கு உத்தரவிட்டார்.

உப்பை தின்னா தண்ணி குடித்தே ஆகவேண்டும்

மும்பை:

1993 ஆம் ஆண்டு மும்பை வெடிகுண்டு வழக்கில் 5 ஆண்டு சிறை
தண்டனை பெற்ற சஞ்சய்தத் இன்று மும்பையில் உள்ள தடா நீதிமன்றத்தில்
சரணடைந்தார். இவர் 5 ஆண்டு தண்டனையில் ஒன்ற‌ரை ஆண்டு சிறை தண்டனை
அனுபவித்துவிட்டார். மீதி உள்ள மூன்றரை ஆண்டு காலம் சிறை தண்டனை அனுபவிக்க
இன்று நீதிமன்றத்தில் சரணடைந்தார்.