சித்திரை திங்கள் கவிதைகள்

சித்திரை திங்கள் கவிதைகள்
--------------------------------------------
அம்மாவுக்கு ஒரு கவிதை
--------------------------------------------
சித்திரை
தினம் வருகையில்
தாயே உன் நினைவு
சித்தத்தை
சிதறவைக்குறது.....!!!

சிறுவயதில் இருந்து
சித்திரை தினமன்று
சித்திரை தேவதையாய்
என் கண் முன் நின்ற தாயே
இன்றும் நிற்கிறாய்- என்
மனக்கண் முழுதும் மகனை
வாழ்த்திய வண்ணம்...!!!

கவலை இல்லை தாயே ..
அண்டத்தில் காலடி வைத்தால் ...
காலன் பறிப்பது வழமைதானே...
கண்ணீருடன் நான் இருந்தாலும்...
அண்டத்தை விட்டு நான் அகலும் ...
வரை என்னை நீ-தான் தாயே ...
காப்பாற்ற வேண்டும் ....!!!

சித்திரை திங்கள் கவிதைகள்
--------------------------------------------
அப்பாவுக்கு ஒரு கவிதை
--------------------------------------------
நித்தம்
நித்தம் வேலை செய்து
இயந்திரமாய் வாழும் உயிர் ..
சற்றும் ஒயாமல் சலிக்காமல் ..
குடும்பத்துக்கே தியாகம் செய்யும்..
ஆண்டவனுக்கு நிகரான தந்தையே ...!!!

செக்கு
என்ன சிவலிங்கம் என்ன ..?
தந்தையே உமக்கு ....
சித்தைரை திங்கள் என்ன ...?
தைத்திருநாள் என்ன ...?
எல்லாமே ஒன்றுதான் ....!!!

திருநாட்களை சந்தோசமாய்...
நாம் கொண்டாட எந்நாளும் ...
ஓயாமல் உழைத்த தந்தையே ..
உங்களிடம் கற்றேன் ஒரு பாடம் ...!!!
மணிக்கூடும் மனித வாழ்க்கையும்
ஒன்றுதான் இருக்கும் வரை ...
இருக்கும் வரை உழைத்து கொண்டே ..
இரு என்றாய் தந்தையே ...!!!

நீர் விட்டு சென்ற கடமைகளை
நான் தொடர்கிறேன் தந்தையே
உம் ஆசீர் வாதத்துடன் ....!!!

சித்திரை திங்கள் கவிதைகள்
--------------------------------------------
நட்புக்கு ஒரு கவிதை
--------------------------------------------
வருடம் தோறும் சித்திரை
திங்கள் வரும் போது நண்பா ...!!!
நாம் குறும்புதனமாய் கொளுத்திய
பட்டாசு தாண்டா நினைவு வருகிறது ...!!!

ஓட்டை பானைக்குள் ஒரு
பட்டாசு.. மற்றொன்று உடைந்த
மதவுக்குள் ஒரு பட்டாசு ...!!!
வெடிக்காத பட்டாசை வெடிக்க
வைக்க வெருண்ட நிலை
நினைவுக்கு வரும் போது ...!!!
சிரிக்காமல்; சின்ன கண்ணீர்
சிந்தாமல் இருக்க முடியவில்லை
நண்பா ....!!!

சித்திரை திங்கள் கவிதைகள்
--------------------------------------------
காதலிக்கு ஒரு கவிதை
--------------------------------------------

ஏய் கடந்த சித்திரையில் ..
சுடிதார் ஒன்றை உனக்கு...
வாங்கித்தர நான் பட்ட பாடு ..
தங்கையிடம் கெஞ்சி ...
கடைக்கு போன சம்பவம் ..
இந்த சித்திரை வரை
தொடருதடி திக் திக் துடிப்பு ...
அவள் அம்மாவிடம் சொல்லி
விடுவாளா ...?

இந்த வருடம் உனக்கு ஒரு..
நினைவு பரிசு உன் வீட்டில் வந்து ...
தருவேன் விழித்திரு உயிரே ...
எந்த நேரமும் எப்படியும் வருவேன் ..
எதையெண்டாலும் தருவேன் ,,,,!!!

சித்திரை திங்கள் கவிதைகள்
--------------------------------------------
இழந்து விட்டேன் அந்த சித்திரையை ...???
-----------------------------------

சுதந்திரமாக
சொந்தங்கள் வீட்டுக்கு ..
நட்டு நடு இராத்திரிவரை ..
நட்புடனும் குடும்பத்துடனும்
கூத்தாடிய சித்திரை திங்களை
நினைத்து பார்த்தால் கலங்குது
கண்ணும் நெஞ்சும் ...!!!

இந்தமுறை சித்திரையில்
இருளமும் வீடு செல்லமும்
விரைவாக வீடு போகணும்
என்றுதான் இருக்குதே தவிர ..
கடந்த கால சித்திரை போல்
எப்போதும் வராது வராது
இனி எப்போதும் வராது ...!!!

by **rammalar** Tue 15 Apr 2014 - 6:36

*_ *_

நன்றி நன்றி நன்றி

by Sponsored content

சித்திரை திங்கள் கவிதைகள்

சித்திரை திங்கள் கவிதைகள்

Re: சித்திரை திங்கள் கவிதைகள்

Re: சித்திரை திங்கள் கவிதைகள்

Re: சித்திரை திங்கள் கவிதைகள்

Re: சித்திரை திங்கள் கவிதைகள்

Re: சித்திரை திங்கள் கவிதைகள்

Re: சித்திரை திங்கள் கவிதைகள்

Re: சித்திரை திங்கள் கவிதைகள்