மனிதனின் ஆற்றலை அழிக்கும் கவலை - சிறுகதை

by **rammalar** Sat 31 May 2014 - 1:54

-

மன்னர் கிருஷ்ண தேவராயரும், மதியூகி
அப்பாஜியும் மாறுவேஎடத்தில் நகர்வலம்
சென்றனர்.
-
ஒரு வீதியில் சிறுவர்கள் "சடுகுடு' விளையாட்டில்
ஈடுபட்டிருந்தனர் கோயில் யானை ஒன்று அவ்வழியே
வந்தது. அந்த யானை அந்த வழியே செல்லமுடியாதபடி
அதன் தந்தங்ளைப் பிடித்து பின்னுக்கு தள்ளினான்
ஒரு சிறுவன்..யானையும் தன் முயற்சியில் தோற்று
வேறு வழியாக சென்றது
-
சிறுவனின் வீரத்தைப் புகழ்ந்தார் மன்னர்
-
"மன்னர் அவர்களே, இன்னும் ஒரே வாரத்தில்
இவனுடைய இந்த ஆற்றலை இல்லாமல் செய்து
விடட்டுமா?'' என்று கேட்டார்.அப்பாஜி
-
அது எப்படி முடியும் என்றார் மன்னர்
-
வயதான தாயாரின் உழைப்பில் எதையோ
சாப்பிட்டு கவலையில்லாமல் ஊரைச் சுற்றிக்
கொண்டிருப்பவன் அச்சிறுவன் என்பதை

விசாரித்தறிந்தார் அப்பாஜி
-
அந்த தாயாரிடம் சென்று, ''இந்த வயதில் நீ

இவ்வளவு கஷ்டப்பட்டு அவனுக்குக் கஞ்சி

ஊற்ற வேண்டாம். இந்தப்
பருவத்திலேயே அவனுக்குத் தன்னுடைய
பொறுப்பை, கடமையை உணர்த்த வேண்டும்.
நாலுகாசு சம்பாதிக்கும் ஆர்வத்தையும்
இப்போதே உண்டு பண்ண வேண்டும்.
அப்போதுதான் அவன் கொஞ்சம் வளர்ந்த
பின்னர் சிறப்புடன் திகழ்வான். இப்போது அ
வனுக்குக் கொடுக்கப்படும் பயிற்சி அவனுக்குப்
பெரிதும் உதவும்,'' என்றார்.
-
அப்பாஜியின் அறிவரையை ஏற்று, அச்சிறுவன்
உணவருந்த வந்தபோது, தங்கள் வறுமை நிலையை
எடுத்து சொல்லி, ஏதாவது வேலை பார்த்து கஞ்சி
வைக்க மட்டுமாவது சம்பாத்தி வா என்றாள்
-
அவனும் வேலை தேடிப்போனான்.
எங்கெங்கோ சுற்றினான். நினைத்தவுடன் வேலை
கிடைக்கவா செய்யும்? வேலை கிடைக்காத
கவலை அவன் வலிமையை குறைத்திருந்தது
-
முன்பு விளையாடிக்கொண்டிருந்த தெருவில்

எப்போதும் போலகோவில் யானை வந்தது.

அதன் தந்தங்களைப் பிடித்து பின்னுக்குத் தள்ளினான்.

அது அவனைச் சட்டை செய்யாமல் அவனைத்
தள்ளிக் கொண்டு சென்று விட்டது.
-
இதனை மறைந்திருந்து மன்னருக்கு காட்டினார்
அப்பாஜி.
-
அவன் வலிமை குறைந்ததற்கு தான் சொன்னபடி
அந்த ஏழைத்தாய் அவனை வேலைக்குப் போகச்
சொன்னதையும் வேலை கிடைக்காத கவலையினால்
அவன் வலிமை போனது என்பதையும் எடுத்துரைத்தார்
அப்பாஜி
-
மன்னரின் விருப்பபடி,
அந்தப் பையனுக்குத் மன்னரின் படைப் பிரிவில் பயிற்சி
அளித்து அவனை நல்ல உண்மையான வீரனாக
மாற்றினார் அப்பாஜி
-

நீதி:
மனிதன் கவலையினால் உடல் மற்றும்
மன வலிமையை இழக்கிறான்

------------------------------------