இந்தியாவிலிருந்து ஆஸிக்கு அகதிகளை ஏற்றிச் சென்ற படகின் உரிமையாளர்கள் கைது

இந்தியாவிலிருந்து ஆஸிக்கு அகதிகளை ஏற்றிச் சென்ற படகின் உரிமையாளர்கள் கைது
இந்தியாவிலிருந்து சட்டவிரோதமான முறையில் அவுஸ்திரேலியாவுக்கு அகதிகளை ஏற்றிச் சென்ற படகின் உரிமையாளர்கள் கைது செய்யப்பட்டுள்ளதாக இந்திய செய்திகள் தெரிவிக்கின்றன.

மஞ்சனி, ராஜு (எ) சஞ்சீல் ஆகியோரை நேற்று கைது செய்து ள்ளதாக புதுச்சேரி பொலிஸார் தெரிவித்துள்ள தாகவும் செய்திகள் தெரிவிக்கின்றன.

படகை மீன்பிடி சுற்றுலாவுக்காக தமிழ் நாட்டிலுள்ள விஜயன் என்ற இலங்கை அகதி வாடகைக்கு ஜூன் 11 ஆம் திகதி கேட்டுப் பெற்றதாக மஞ்சளி தெரிவித்துள்ளார்.

இருப்பினும் பிரச்சினை மிகவும் தீவிரமானது என்பதால் தொடர்ந்து விசாரித்து வருவதாக புதுச்சேரி பொலிஸார் குறிப்பிட்டுள்ளனர்.

தமிழக காவல் துறையும் தனியாக விசாரணை நடத்தி வருகிறது எனவும் தெரிவிக்கப்படுகிறது.

கடந்த ஜூன் மாதம் 157 அகதி களை ஏற்றிச் சென்ற படகை அவுஸ்திரேலிய அதிகாரிகள் பறிமுதல் செய்துள்ளனர். இப்படகு இந்தியாவிலிருந்து சென்ற நிலையில் படகில் சென்ற அகதிகள் குறித்து இந்திய மத்தியரசு அக்கறை கொண்டுள்ளது.

இந்நிலையில் படகில் சட்ட வீரோதமாகச் சென்ற தஞ்சக் கோரிக் கையாளர்களுடன் தமது தூதரக அதிகாரிகள் தொடர்புகொள்ள இந்திய அரசு அனுமதி கோரியுள்ளமையும் குறிப் பிடத்தக்கது.

தினகரன்..

ஏற்கனவே கிறிஸ்தியாய் தீவில் ஆயிரக்கணக்கானோர் அடைக்கப்ட்டிருக்கின்றார்களாம்!

இப்படி தினம் தினம் தம் உயிரை பணயம் வைத்து குழந்தை குட்டிகளுடன் புறப்படணுமா?

இதை விட்டுவிட்டு உரிய இடத்திற்குத் திரும்புவார்களானால் நிம்மதியாக வாழலாம்

அக்கரை மாட்டுக்கு இக்கரை பச்சை எனும் நிலை தான் ஹாசிம்!
இப்படி பயணப்பட கூட இலட்சங்களை கொட்டி கொடுத்து தான் இருப்பார்கள். இருக்கும்வீடு வளவு, நகை நட்டுன்னு எல்லாம் வித்து போதாததுக்கு வட்டிக்கும் வாங்கி கடன் எனும் புதை குழியில் சிக்கித்தான் புறப்பட்டிருப்பார்கள்.

சுவிஸுக்கும் இலங்கையிலிருந்து முஸ்லிம் இளைஞர்கள் அகதிகளாக வருகை தருவது சில மாதங்களாக அதிகரித்துள்ளது என போன வாரம் ஒரு மொழி பெயர்ப்புக்கு சென்ற போது அகதிகள் தொடர்பான அதிகாரி ஒருவர் தெரிவித்தார்.