கான்டாக்ட் லென்ஸ் அணியலாமா?

by **ahmad78** Wed 22 Oct 2014 - 14:15

கருவண்டுகளோடும், காந்தல் மலர்களோடும் ஒப்பிடப் படுபவை கண்கள். ஆனால், இந்தக் காலத்துப் பெண்கள், கருவிழிகளை விரும்புவதில்லை. பிரவுன், நீலம், கருநீலம் என கலர் கலர் லென்ஸ் மூலம் விழிகளின் நிறங்களில் வித்தியாசம் காட்டவே விரும்புகிறார்கள். சினிமாவிலும், சின்னத்திரையிலும் முகம் காட்டுவோர், இப்படி விதம் விதமான விழி அழகில் அசத்துகிறார்கள். அவர்களைப் பார்க்கிற இளம் பெண்களுக்கும் அதே போல விழிகளில் வித்தியாசம் காட்ட ஆசை தலைதூக்குகிறது. அணிகிற உடைக்கு மேட்ச்சாக விழிகளின் நிறத்தையும் மாற்றிக் கொள்ள, கான்டாக்ட் லென்ஸ் உபயோகிக்கிற பழக்கத்தையும் நிறைய பெண்களிடம் பார்க்க முடிகிறது.

அழகுக்காக அணிகிற கான்டாக்ட் லென்ஸ் பாதுகாப்பானதுதானா? அது பார்வையில் பிரச்னைகளை ஏற்படுத்தாதா? அதைப் பயன்படுத்தும் போது கவனத்தில் கொள்ள வேண்டிய விஷயங்கள் என்னென்ன? விளக்கமாகப் பேசுகிறார் விழித்திரை சிறப்பு மருத்துவர் வசுமதி வேதாந்தம்.

‘‘மீடியாவில் இருப்பவர்களும், நடிகைகளும், மாடல்களும் அழகுக்காக கான்டாக்ட் லென்ஸ் உபயோகிக்கிறார்கள். கல்லூரியில் படிக்கிற பெண்களுக்கு அதற்கு என்ன அவசியம் எனப் புரியவில்லை. ஏதோ வருடத்தில் ஒருநாள், இரண்டு நாள் உபயோகிப்பதென்றால் ஓ.கே.கான்டாக்ட் லென்ஸ் போட்டால் பார்வை கெட்டுப்போகும் என அர்த்தமில்லை. ஆனால், சில விஷயங்களை சரிவரப் பின்பற்றத் தவறினால், கண்களில் இன்ஃபெக்ஷன் உண்டாகி, அதன் காரணமாக பார்வைப் பிரச்னைகள் வரலாம். முக்கியமாக, லென்ஸை மிக ஜாக்கிரதையாக, முறையாக சுத்தப்படுத்த வேண்டும். லென்ஸ் போடுவதற்கு முன், கைகளை சுத்தமாகக் கழுவவேண்டும். சரியாக சுத்தப்படுத்தாக லென்ஸினுள் தேவையற்ற புரோட்டீன் சேர்ந்து விடும்.

அது நல்லதல்ல. லென்ஸை அதற்கான பிரத்யேக திரவம் கொண்டே சுத்தப்படுத்த வேண்டும். சிலர் எச்சில் தொட்டு சுத்தம் செய்வதையெல்லாம் பார்த்திருக்கிறேன். அது மிகமிக ஆபத்தானது. லென்ஸை அகற்றியதும், அதற்கான பெட்டியில் பத்திரமாக வைக்க வேண்டும். கண்ட இடங்களிலும் வைக்கக்கூடாது.மேக்கப் போடும் பழக்கமுள்ளவராக இருந்தால், முதலில் லென்ஸ் போட்டுக் கொண்டு, அதன் பிறகே மேக்கப் போடவேண்டும். லென்ஸை அகற்றிவிட்டே, மேக்கப்பை நீக்க வேண்டும். வருடம் ஒரு முறையாவது கண் மருத்துவரை அணுகி, கண்களைப் பரிசோதனை செய்துகொள்ள வேண்டியதும் மிக அவசியம்...’’ என்கிறார் விழித்திரை சிறப்பு மருத்துவர் வசுமதி வேதாந்தம்.

http://www.dinakaran.com/Medical_Detail.asp?Nid=2967&Cat=500

by **சுறா** Wed 22 Oct 2014 - 16:39

மிக மிக நல்ல தகவல் அகமத்.

அடிக்கடி கண்களை கவனிக்க வேன்டும் இல்லையேல் இன்பெக்‌ஷன் வந்துவிடும்.

கான்டாக்ட் லென்ஸ் அணியலாமா?

கான்டாக்ட் லென்ஸ் அணியலாமா?

Re: கான்டாக்ட் லென்ஸ் அணியலாமா?