ஆய்வுக்கூடம் -திரைப்படம்

–
பிகேஏ பிலிம்ஸ் நிறுவனத்தின் சார்பில் அறிவழகன்
தயாரித்து வெளியிடும் படம் “ஆய்வுக்கூடம்.’
-
பாண்டியராஜன், சத்யஸ்ரீ, ப்ரீத்தி, பிரபுராஜ், ரியாஸ்,
நெல்லைசிவா உள்ளிட்ட பலர் நடிக்கின்றனர்.
-
புதுமுகம் அன்பரசன் கதை, திரைக்கதை, வசனம் எழுதி
இப்படத்தை இயக்குகிறார். படத்தில் அறிவியல்
ஆராய்ச்சியாளராக வேடம் ஏற்றுள்ள பாண்டியராஜன்
தன் ஆராய்ச்சிகளில் சில புதுமைகளைப் புகுத்த
நினைக்கிறார்.
-
தனது ஆராய்ச்சிகளின் மூலம் மாற்று கண்டுபிடிப்புகளை
அறிமுகப்படுத்தும் எண்ணத்தில் சில ஆபத்தான முடிவுகளை
எடுக்கிறார். அதன் அடிப்படையில் மூளை மாற்று அறுவை
சிகிச்சைக்கான ஏற்பாடுகளைச் செய்கிறார்.
-
இரு வேறு குணங்கள் கொண்ட மனிதர்களின் மூளையை
மாற்றி வைக்கும் முடிவுக்கு வரும் அவர், மனநோயாளி
ஒருவரின் மூளையை ஃபைட்டருக்கும், ஃபைட்டரின் மூளையை
மனநோயாளிக்கும் மாற்றுகிறார்.
-
இதனால் ஏற்படும் பிரச்னைகள் அனைத்தையும் காமெடியாக
சொல்வதுதான் கதை.
-
அமெரிக்காவில் சில ஆண்டுகளுக்கு முன்பு நடந்த ஓர்
ஆராய்ச்சியை அடிப்படையாக கொண்டு இக்கதை உருவாக்கப்
பட்டுள்ளது.
–
—————————-