பிரபலமாகிறது மம்தா பாடல்

by **rammalar** Fri 29 Sep 2017 - 15:25

கோல்கட்டா:
மேற்கு வங்க முதல்வர், மம்தா பானர்ஜி, துர்கா பூஜை
விழாவுக்காக எழுதிய பாடல், பிரபலமாகி வருகிறது.

மேற்கு வங்கத்தில், முதல்வர், மம்தா பானர்ஜி தலைமையிலான,
திரிணமுல் காங்., ஆட்சி நடக்கிறது. மாநிலத்தில், துர்கா பூஜை
சிறப்பாக கொண்டாடப்பட்டு வருகிறது.

கோல்கட்டாவில், பல பகுதிகளிலும், பிரமாண்ட துர்கா சிலைகள்
வைக்கப்பட்டு, சிறப்பு வழிபாடுகள் நடத்தப்படுகின்றன.
நாளையுடன், துர்கா பூஜை நிறைவடைகிறது. இதற்கான விழா,
கோல்கட்டா புறநகர் பகுதியில் நடக்கவுள்ளது. இந்நிலையில்,
துர்கா பூஜையின் சிறப்பை விளக்கும் வகையிலான பாடலை,
முதல்வர் மம்தா பானர்ஜி எழுதியுள்ளார்.

இந்த பாடல், வீடியோவாக வெளியிடப்பட்டுள்ளது.
மம்தா பானர்ஜி எழுதியுள்ள பாடலில், 'ஒற்றுமை என்ற நகை,
வேறுபட்ட முத்துகளால் கோர்க்கப்பட்டு உள்ளது' என்ற வரிகள்
இடம்பெற்றுள்ளன.

ஜீத் கங்குலி இசையில், பிரபல பின்னணி பாடகி, ஷ்ரேயா கோஷல்,
இந்த பாடலை பாடியுள்ளார்; இந்த பாடல், தற்போது,
பிரபலமாகி வருகிறது.மம்தா பானர்ஜி, துர்கா பூஜைக்காக,
மூன்றாவது ஆண்டாக பாடல் எழுதியுள்ளார்; மம்தா, ஏராளமான
கவிதைகளையும் எழுதியுள்ளது குறிப்பிடத்தக்கது.
-
--------------------------------
தினமலர்