கடி ஜோக்ஸ்

by **rammalar** Sat 20 Feb 2021 - 5:34

பாட்டி!...ஒளியின் வேகத்தில் நாம போனால்
சூரியனை எட்டு நிமிஷத்தில் அடைஞ்சிடலாம்!

அதுக்கு...ஏண்டா அத்தனை சிரமம்?...காலையிலே
ஜன்னலைத் திறந்தால் தானே சூரியன் உள்ள
வரப்போகுது!
-
ஆர்.யோகமித்ரா
------------------------------------------------

உங்கப்பா கூட பேங்க்குக்கு போனப்ப திருடன்
வந்தானா? நீ பார்த்தியா?

ஆமாம்!...பார்த்தேன்!

அவன் எப்படி இருந்தான்?

கோடு போட்ட பனியன் போட்டுக்கிட்டு பரட்டைத்
தலையோட கழுத்திலே கர்ச்சீப் கட்டிக்கிட்டு
திருடன் மாதிரியே இருந்தான்!
-
சங்கீத சரவணன்
---------------------------------------

by **rammalar** Sat 20 Feb 2021 - 5:37

மளிகைக் கடையில யாரோ கொள்ளை
அடிச்சிட்டாங்களாண்டா!

கொள்ளை வேக வெப்பாங்களே தவிர அடிக்க
மாட்டேங்களே...!?
-
ஆர்.மகாதேவன்
-----------------------------

எனக்குப் பொருத்தமான ராசிக்கல் வாங்கிக்கிட்டு
திரும்பி வரும்போது...

என்ன ஆச்சு?

ஒரு கல் தடுக்கி கீழே விழுந்துட்டேன்!
-
விஜயாம்பாள்
---------------------------------------------------
சிறுவர் மணி

by **rammalar** Sat 20 Feb 2021 - 5:39

by **rammalar** Sat 20 Feb 2021 - 5:47

தீதும் நன்றும் பிறர் தர வாரா
நோதலும் தணிதலும் அவற்றே ரன்ன...''

பொருள்:
தீமை, நன்மை, தீமையால் ஏற்படும் துன்பம் நீங்குதல்
ஆகியவை பிறரால் வருவதன்று; இவை அவரவர் செய்த
செயல்களால்தான் ஏற்படுகின்றன.
கணியன் பூங்குன்றனார், புறநானூறு, பாடல் -192
-
----------------------------------

எவனுடைய மனம் அளவு கடந்த சச்சிதானந்தக் கடலில்
எப்போதும் மூழ்கிக் கரைந்துவிட்டதோ, அவனுடைய குலம்
பரிசுத்தமாகிறது; அவனைப் பெற்ற தாய் பிறவிப்பயனை
எய்துகிறாள்; பூதேவி புண்ணியவதியாகிறாள்.

-ஸுதஸம்ஹிதை 2.20.45
--------------------------------------------

யோகிகள் நித்தியானந்தமான தூயவுணர்வான ஆத்மாவில்
ரமித்து இருக்கிறார்கள். அந்தப் பரம்பொருள் "ராமா' என்னும்
சொல்லால் அழைக்கப்படுகிறது.

-அத்யாத்ம ராமாயணம்
------------------------------------------------------

பிறவிக் குருடனால் பார்க்க முடியாது.
எப்போதும் காமவாசனையில் ஈடுபட்டவனுக்கு வேறு எதிலும்
நாட்டம் இருப்பதில்லை. தன் இச்சைப்படி திரிபவனுக்கு நல்லது
ஒன்றுமே தோன்றுவதில்லை. த
ன்னுடைய உண்மையான தேவைகளைப் பூர்த்தி செய்து
கொள்ளக்கூட தெரியாத அறிவற்ற நிலையில் மனிதன்
வாழ்கிறான்.

-சாணக்கிய நீதி
------------------------------------------

அங்கம் தளர்ந்துவிட்டது, தலை நரைத்துவிட்டது, பற்கள்
விழுந்துவிட்டன; கோலை ஊன்றிக்கொண்டு நடக்கிறான்;
இப்படி வயதாகியும் ஒருவனுடைய ஆசை அவனை
விடுவதில்லை.

-ஸ்ரீஆதிசங்கரர்
------------------------------------------------

-தியானம், நாம சங்கீர்த்தனம் போன்ற பக்திமார்க்கங்களால்
ஆண்டவனின் திருவருளைப் பெற முடியும்.

-ஸ்ரீ கிருஷ்ண சைதன்யர்
-------------------------------------------------

புண்ணியத் தலங்களுக்குப் பிரயாணம் சென்று வராத
கால்கள்; இறைவனைக் குனிந்து வணங்காத தலை;
கெஞ்சிக் கேட்பவர்களுக்குக் கொடுத்து உதவாத கைகள்;
சான்றோர்களின் அறிவுரைகளைக் கேட்டுக் கிரகிக்காத
காதுகள் ஆகியவை இருந்தும் பயனற்றவை.

-விவேக சிந்தாமணி
----------------------------------------------

விதித்த கர்மங்களைச் செய்துகொண்டும்,
கர்மபயனில் சிந்தையைத் துறந்தும், ஆத்மலாபத்தில்
சந்தோஷம் அடைந்தும் வாழ்பவன் முக்தி எய்துகிறான்;
இதில் சந்தேகமில்லை.

-தேவி பாகவதம்
-----------------------------------------

by **rammalar** Sat 20 Feb 2021 - 6:53

திரையிசையில் ரசித்த வரிகள்
-
சந்தேகக் கோடு -அது
சந்தோஷக் கேடு!
-
தேடல் உள்ள உயிர்களுக்கே
தினமும் பசியெடுக்கும்,
தேடல் என்பது உள்ளவரை
வாழ்வில் ருசியிருக்கும்.
-
பணம் என்னடா பணம் பணம்
குணம் தானடா நிரந்திரம்.
-
நிலை உயரும்போது
பணிவு கொண்டால்
உலகம் உன்னை வணங்கும்!
-
-----------------------

by Sponsored content

கடி ஜோக்ஸ்

கடி ஜோக்ஸ்

Re: கடி ஜோக்ஸ்

Re: கடி ஜோக்ஸ்

Re: கடி ஜோக்ஸ்

Re: கடி ஜோக்ஸ்

Re: கடி ஜோக்ஸ்