மன்றங்கள் கலைப்பு - அ‌‌ஜீத் அதிரடி

தனது பெய‌ரிலான நற்பணி இயக்கத்தையும் ரசிகர்களையும் சொந்த லாபத்துக்கு பயன்படுத்தாதவர் அ‌‌ஜீத். சமூக நலப்பணியும்கூட குடும்பத்தை பாதிக்காத அளவில் இரு‌க்க வேண்டும் என ரசிகர்களுக்கு அறிவுரை சொல்கிறவர். அவருக்கே கடுக்காய் கொடுத்தார்கள் சில ரசிகர்கள்.

தலைவனை அரசியலுக்குள் இழுத்துவிட்டால் குறுக்கு வழியில் கோட்டைக்குள் புகுந்துவிடலாம் என்ற எண்ணம் சில ரசிகர்களுக்கு இருக்கிறது. இதே எண்ணம் தலைவனுக்கும் இருந்தால் தனிக் கொடி, மக்கள் மன்றம் என தடபுடல்கள் அமளிப்படும். ஆனால் அ‌‌ஜீத் வேறு டைப்.

நடந்து முடிந்த தேர்தலில் சில ரசிகர்கள் அ‌‌ஜீத் போஸ்டருடன் ஆளும் கட்சிக்கு வாக்கு சேக‌ரித்தனர். இது அவரை ரொம்பவே யோசிக்க வைத்திருக்கிறது. நல்லது செய்ய இயக்கம் எல்லாம் தேவையில்லை நல் உள்ளம் இருந்தாலே போதுமானது என தனது தலைமையிலான நற்பணி இயக்கத்தையே கலைத்துவிட்டார். மே 1 தனது பிறந்தநாளையொட்டி அவர் நேற்று வெளியிட்ட அறிக்கையின் பிரதான அம்சமே இந்த கலைப்புதான்.

கோஷ்டிப்பூசல், ஒற்றுமையின்மை, தலைமைக்கு கட்டுப்பட மறுப்பது, சொந்த லாபத்துக்காக நற்பணி இயக்கத்தை பயன்படுத்துவது... இப்படி நீண்ட பட்டியலிட்டு இவையெல்லாம் எனது எண்ண ஓட்டத்துக்கு உகந்ததல்ல என கலைப்புக்கான காரணத்தையும் அழுத்தமாக தெ‌ரிவித்திருக்கிறார்.

சொந்த லாபத்துக்காக தலைவா கட்சி ஆரம்பி என ஊளையிடும் விசிலடிச்சான் குஞ்சுகளுக்கு சவுக்கடி தந்திருக்கும் அ‌‌ஜீத்துக்கு... ராயல் சல்யூட்.

:!+: :!+:

:!+: :!+: ://:-: