ஜெயலலிதா மீதான சொத்துக் குவிப்பு வழக்கு ஜூலை 8க்கு ஒத்திவைப்பு

ஜெயலலிதா மீதான சொத்துக் குவிப்பு வழக்கு ஜூலை 8க்கு ஒத்திவைப்பு
பெங்களூர் சிறப்பு நீதிமன்றத்தில் நடைபெற்று வரும் தமிழக முதலமைச்சர் ஜெயலலிதா மீதான சொத்துக் குவிப்பு வழக்கு விசாரணை ஜூலை 8க்கு ஒத்திவைக்கப்பட்டது. முதலமைச்சர் ஜெயலலிதா மீதான சொத்துக் குவிப்பு வழக்கு விசாரணை நீதிபதி மல்லிகார்ஜுனையா முன்னிலையில் வியாழக்கிழமை நடைபெற்றது.

அப்போது ஜெயலலிதா சார்பில் ஆஜரான வழக்கறிஞர் குமார், இதுவரை இவ்வழக்கில் வழக்கறிஞர் நவநீதகிருஷ்ணன் வாதாடினார். அவர் இப்போது தமிழ்நாட்டின் அடவகேட் ஜெயரலாக நியமிக்கப்பட்டுள்ளார்.

அதனால் அவரால் இந்த வழக்கில் ஆஜராக முடியாத சூழ்நிலை ஏற்பட்டுள்ளது. இனி இந்த வழக்கில் நான் ஆஜராவேன் இந்த வழக்கின் ஆவணங்களைப் படிக்க எனக்கு கால அவகாசம் கொடுக்க வேண்டும் என கேட்டு மனு அளித்தார். மனுவை ஏற்றுக் கொண்ட நீதிபதி மல்லிகார்ஜுனையர், வழக்கறிஞர் குமாருக்கு 2 வார கால அவகாசம் கொடுத்து வழக்கு விசாரணையை ஜூலை 8ம் திகதிக்கு ஒத்திவைத்தார்.

ஜெயலலிதா சொத்துக் குவிப்பு வழக்கின் புலனாய்வை தொடருவதற்கு அனுமதி கேட்டு, கண்காணிப்பு மற்றும் ஊழல் தடுப்புத்துறை பொலிஸ் துணைக் கண்காணிப்பாளர் ஜி. சம்பந்தம் ஏற்கெனவே தன்னிடம் நேரடியாக அளித்திருந்த மனுவை நீதிபதி மல்லிகார்ஜுனையர் ஏற்காமல் நிராகரித்தார். இதே கோரிக்கையை வலியுறுத்தி சிறப்பு வழக்கறிஞர் மூலம் மனு அளிக்குமாறு நீதிபதி தனது உத்தரவில் தெரிவித்திருந்தார்.

அம்மாவின் ஆட்சிதானே தீர்ப்பப்த்தி கவலை எதற்கு