என் பயணம் முற்றத்தில்

by **அப்துல்லாஹ்** Sun 26 Jun 2011 - 15:19

சின்னதாய் வீடு கட்டி
சிறப்பாக வாழவேண்டும்

என்னையும் மதித்து வந்த
ஏந்திழை கையைப்பற்றி
உன்னத உறவு கூடி
உவப்புடன் வாழ வேண்டும்

அன்னையுடன் தந்தை கூடி
அன்பொழுகப் பலதும் பேசி
அண்டை வீட்டாரும் வாழ்த்த
அற்புதமாய் வாழ்தல் வேண்டும்

எந்திரம் போன்ற வாழ்வில்
இழந்திட்ட மகிழ்ச்சி எல்லாம்
மந்திரம் போட்டது போல்
மாறித் தான் போக வேண்டும்

சின்னதாய் தோட்டமிட்டு
சிறுமலர் பதியனிட்டு
சிரித்திடும் மலர்கள் கண்டு
சிலிர்த்திடும் கணங்கள் வேண்டும்

கொக்குடன் கிளிகள் காகம்
கூவிடும் குயில்கள் எல்லாம்
திக்குகள் எட்டும் விட்டு
தேடி என் வீட்டை சேர

வசந்தமும் வாடைக்காற்றும்
வந்து எனைத் தழுவும் நேரம்
அசதியுடன் துன்பம் சோகம்
ஆற்றிடச் செய்தல் வேண்டும்

வான் மழைத் தூறல் பட்டு
வாசனை கொண்ட மண்ணை
ஆசையோடு நான் நுகர்ந்து
அதில் கிடந்து புரள வேண்டும்

குன்று போல் நெல்மணிகள்
குவித்திடக் குதிரும் வேண்டும்
கன்றுடன் பசுவும் நிற்க்க
கட்டாயம் தொழுவம் வேண்டும்

செக்கரு வானம் காட்டும்
செம்பிழம்பு கதிரொளியும்
கருநீல வான்விரிப்பில்
குளிர்தரு நிலவும் வேண்டும்

நித்திரை சுகமாய் வேண்டும்
நீண்டதாய் இரவும் வேண்டும்
பத்திரமாய் வாழ்ந்து விட்டு
பாசம் சுவைத்துச் சாகவேண்டும்.

முற்றத்தில் எனைக்கிடத்தி
முடிச்சில்லா கபனுடுத்தி
மூடுங்கள் என்முகத்தை
முக்கியமாய் எனது வீட்டில்

by **இன்பத் அஹ்மத்** Sun 26 Jun 2011 - 15:22

வான் மழைத் தூறல் பட்டு
வாசனை கொண்ட மண்ணை
ஆசையோடு நான் நுகர்ந்து
அதில் கிடந்து புரள வேண்டும்

அருமை நண்பரே அருமை வாழ்த்துக்கள்

by **நேசமுடன் ஹாசிம்** Sun 26 Jun 2011 - 15:24

:!#: :!#: வாழ்க்கையின் முடிவு அத்தனையும் சுகித்திட்டபோதிலும் பெறுமதிமிக்க சுவர்க்கதிற்காய் வாழ்ந்து மரணித்தல் மேல்

அற்புதமான கவிதைப்பகிர்வு உள்ளம் ஒருமுறை குமிறி நிமிர்கிறது
நன்றி சகோ

by *சம்ஸ் Sun 26 Jun 2011 - 22:50

இறுதி வரை மெதுவாக படித்தேன் கண்கள் கலங்கி விட்டது மிகவும் உருக்கமான வரிகள் அன்பு உறவே வாழ்த்துக்கள்
கவிதை வரிகள் அனைத்தும் முத்துக்கள்
அன்பு வாழ்த்துக்கள்
நன்றயுடன்
சம்ஸ்
#heart

by **விஜய்** Sun 26 Jun 2011 - 22:57

//நித்திரை சுகமாய் வேண்டும்
நீண்டதாய் இரவும் வேண்டும்
பத்திரமாய் வாழ்ந்து விட்டு
பாசம் சுவைத்துச் சாகவேண்டும்.

முற்றத்தில் எனைக்கிடத்தி
முடிச்சில்லா கபனுடுத்தி
மூடுங்கள் என்முகத்தை
முக்கியமாய் எனது வீட்டில்//

வரிகள் அனைத்தும் மனதை தொட்டு விட்டது சார்
எப்படி வாழ்த்த வரிகள் என்னிடம் இல்லை சார்
மிகவும் அருமை அருமை

by **ஹாசிம்** Mon 27 Jun 2011 - 19:14

சோகக்கவிதை அருமை சகோ வாழ்த்துக்கள்

by **நண்பன்** Mon 27 Jun 2011 - 22:43

மிக மிக அருமையாக உள்ளது சார்
வாழ்த்துக்கள் சார் தொடருங்கள்
என்றும் நன்றியுடன்
நண்பன்

by **kalainilaa** Sat 2 Jul 2011 - 22:23

எந்திரம் போன்ற வாழ்வில்
இழந்திட்ட மகிழ்ச்சி எல்லாம்
மந்திரம் போட்டது போல்
மாறித் தான் போக வேண்டும்

நித்திரை சுகமாய் வேண்டும்
நீண்டதாய் இரவும் வேண்டும்
பத்திரமாய் வாழ்ந்து விட்டு
பாசம் சுவைத்துச் சாகவேண்டும்.

முற்றத்தில் எனைக்கிடத்தி
முடிச்சில்லா கபனுடுத்தி
மூடுங்கள் என்முகத்தை
முக்கியமாய் எனது வீட்டில்

ஆசைகளை,அசைப்போட்டு,
சேனையில் அதைப் போட்டு,
வாழும் காலமும்,குறிப்பிட்டு,
இறக்கும் நிலையை பட்டியலிட்டு,
அற்புதம் தோழரே !சொல்ல வார்த்தைகள் தெரியவில்லை ,
இருக்கும் நிலையை சொல்லும் உங்கள் கவிதை ,உண்மை .

by **rinos** Sat 2 Jul 2011 - 22:29

kalainilaa wrote:எந்திரம் போன்ற வாழ்வில்
இழந்திட்ட மகிழ்ச்சி எல்லாம்
மந்திரம் போட்டது போல்
மாறித் தான் போக வேண்டும்

நித்திரை சுகமாய் வேண்டும்
நீண்டதாய் இரவும் வேண்டும்
பத்திரமாய் வாழ்ந்து விட்டு
பாசம் சுவைத்துச் சாகவேண்டும்.

முற்றத்தில் எனைக்கிடத்தி
முடிச்சில்லா கபனுடுத்தி
மூடுங்கள் என்முகத்தை
முக்கியமாய் எனது வீட்டில்

ஆசைகளை,அசைப்போட்டு,
சேனையில் அதைப் போட்டு,
வாழும் காலமும்,குறிப்பிட்டு,
இறக்கும் நிலையை பட்டியலிட்டு,
அற்புதம் தோழரே !சொல்ல வார்த்தைகள் தெரியவில்லை ,
இருக்கும் நிலையை சொல்லும் உங்கள் கவிதை ,உண்மை .

@. @. :”@:

by Sponsored content

என் பயணம் முற்றத்தில்

என் பயணம் முற்றத்தில்

Re: என் பயணம் முற்றத்தில்

Re: என் பயணம் முற்றத்தில்

Re: என் பயணம் முற்றத்தில்

Re: என் பயணம் முற்றத்தில்

Re: என் பயணம் முற்றத்தில்

Re: என் பயணம் முற்றத்தில்

Re: என் பயணம் முற்றத்தில்

Re: என் பயணம் முற்றத்தில்

Re: என் பயணம் முற்றத்தில்