பெற்றவள் ...உன்னை நான் பெற்றவள்!

இன்று (ஜூலை 2 ஆம் தேதி) என் தாயின் பிறந்த நாள் ... .

தாய்க்கு நான் எழுதிய கவிதை இது....

பெற்றவள் ...உன்னை நான் பெற்றவள்!

ஐயிரண்டு திங்களெனை அடிவயிற்றில் பதுக்கி யதால்
மெய்யுருக்கி நித்தமுந்தன் மேனியதை வருத்தி யதால்
பெய்யுமழை யாகியெனைப் புதுப்புனலாய் ஆக்கி யதால்
மெய்யான என்னுடலுக் குன்னாலுயிர் பெற்றேன்

உன்னுதிரம் குழைத்து தினம் உட்கொண்ட காரணத்தால்
என்னிதயம் என்சுவாசம் எல்லாமும் ஒழுங்குபட
உன்னுள்ளே ஓசையின்றி ஓவிய மாய்நீ வரைய
இன்னுலகம் காணும் படிஇவ்வுரு வம்நான் பெற்றேன்

உண்ட உந்தன் முலைப்பாலால் உற்றதொரு தேகபலம்
கொண்டு நானும் வளர்ந்து சிறுமழலை யாகி ஓடிவர
கண்டு யெனைமற்றவர் கள்எழிலாக யெனையழைக்க
நண்ணிய தானலதா ராணியெனும் பெயர் பெற்றேன்.

முன்னெனக்குப் பிறந்தவர்கள் முத்தம்நிறை பெற்றவர்கள்
பின்னெனக்குப் பிறந்தவர்கள் பாசம்நிறை பெற்றவர்கள்
என்னருமை உடன்பிறந்தோர் அருமையான அறுவரையும்
உன்னாலே என்னுறவாய் இவ்வுலகில் நான் பெற்றேன்!

தக்க பருவந்தன்னில் தாய்மொழியைப் பயிற்றுவித்து
அக்கறை யோடு யெனை அருமையாக வளர்த்தெடுத்து
சொக்கும் தமிழோடு யெனைசேர்த் துவைத்து வாழவைத்து
மிக்கவரை ஈர்க்குமாறிந் தச்சிற்றறி வும்யான் பெற்றேன்.

பொன்னும் பொருளும் பெயருடனே உற்றபல நற்புகழும்
இன்னும் என்னென்ன உண்டோ இனிதான இவ்வுலகில்
உன்னாலே எல்லாமும் பெற்றே னிதைஎல்லாம் விஞ்சியதாய்
பொன்னினும் மேலான நின்னை யென்தாயாகப் பெற்றேன்.

பாசமும் நேசமும் தாயின் புகளும் அருமையாக இணைத்து கவி வடித்த என்னருமை அக்காவுக்கு நன்றி நன்றி அனைத்து வரிகளும் அருமை ரசித்தேன்.. உணர்வு பூர்வமாக எழுதியிருக்கீங்க பாராட்டுக்கள்.

பொன்னும் பொருளும் பெயரும் புகழும்
இன்னும் என்னென்ன உண்டோ இவ்வுலகில்
உன்னாலே எல்லாமும் பெற்றேன்- பொன்னான
நின்னை யென்தா யாகநான் பெற்றேன்.

முதலில் அன்பு தாய்க்கு வாழ்த்துக்கள் .

தாய்க்கு நிகர் தாய்,
அன்பாய்,தொடர்வாய்,பசியாருவாய்,வளர்வாய்,மகிழ்வாய்
அறிவாய்,உணர்வாய்,அனைத்துக்கும் விடையாய் நம் தாய் .

அருமை தோழியே !உங்கள் தாய்ப் பாசம் தொடரட்டும்

//தக்க பருவந்தன்னில் தாய்மொழியைப் பயிற்றுவித்து
அக்கறை யோடு யெனை அருமையாக வளர்த்தெடுத்து
சொக்கும் தமிழோடு யெனைசேர்த் துவைத்து வாழவைத்து
மிக்கவரை ஈர்க்குமாறிந் தச்சிற்றறி வும்யான் பெற்றேன்.//

தாய்கும்
தாய் அருமை பற்றியும்
கவி பாடிய அருமை அக்கா
தாய்க்கு எவ்வளவு பாடினாலும் பொருந்தும்

இப்படி யொரு சிந்தனை சிற்பியை பெற்றெடுத்த அந்த தாய்க்கு என் அன்பான நன்றிகள்
பிராத்தனைகளும்
என்றும் நன்றியுடன்
நண்பன்.

கவிதை படிக்கும் போது என்தாய் கண்முன்னே காட்சி தந்தாள் தாய்க்குப்பெருமை தன்பிள்ளையினை ஊர் போற்றும் போது அந்த வகையில் உங்கள் தாய் அளவிலா பெருமையடைவார்

அருமையான கவிதை மிக்க நன்றி எங்களோடு பகிர்ந்தமைக்கு

*சம்ஸ் wrote:பாசமும் நேசமும் தாயின் புகளும் அருமையாக இணைத்து கவி வடித்த என்னருமை அக்காவுக்கு நன்றி நன்றி அனைத்து வரிகளும் அருமை ரசித்தேன்.. உணர்வு பூர்வமாக எழுதியிருக்கீங்க பாராட்டுக்கள்.

நன்றி சம்ஸ்!

kalainilaa wrote:பொன்னும் பொருளும் பெயரும் புகழும்
இன்னும் என்னென்ன உண்டோ இவ்வுலகில்
உன்னாலே எல்லாமும் பெற்றேன்- பொன்னான
நின்னை யென்தா யாகநான் பெற்றேன்.

முதலில் அன்பு தாய்க்கு வாழ்த்துக்கள் .

தாய்க்கு நிகர் தாய்,
அன்பாய்,தொடர்வாய்,பசியாருவாய்,வளர்வாய்,மகிழ்வாய்
அறிவாய்,உணர்வாய்,அனைத்துக்கும் விடையாய் நம் தாய் .

அருமை தோழியே !உங்கள் தாய்ப் பாசம் தொடரட்டும்

மிக்க நன்றி கலை நிலா!

நண்பன் wrote://தக்க பருவந்தன்னில் தாய்மொழியைப் பயிற்றுவித்து
அக்கறை யோடு யெனை அருமையாக வளர்த்தெடுத்து
சொக்கும் தமிழோடு யெனைசேர்த் துவைத்து வாழவைத்து
மிக்கவரை ஈர்க்குமாறிந் தச்சிற்றறி வும்யான் பெற்றேன்.//

தாய்கும்
தாய் அருமை பற்றியும்
கவி பாடிய அருமை அக்கா
தாய்க்கு எவ்வளவு பாடினாலும் பொருந்தும்

இப்படி யொரு சிந்தனை சிற்பியை பெற்றெடுத்த அந்த தாய்க்கு என் அன்பான நன்றிகள்
பிராத்தனைகளும்
என்றும் நன்றியுடன்
நண்பன்.

நன்றி நண்பன்!

சாதிக் wrote:கவிதை படிக்கும் போது என்தாய் கண்முன்னே காட்சி தந்தாள் தாய்க்குப்பெருமை தன்பிள்ளையினை ஊர் போற்றும் போது அந்த வகையில் உங்கள் தாய் அளவிலா பெருமையடைவார்

அருமையான கவிதை மிக்க நன்றி எங்களோடு பகிர்ந்தமைக்கு

நன்றி சாதிக்!

அன்பு தாய்க்கு என் வாழ்த்துக்கள் தோழி

தாய்க்காக எழுப்பிய பாச வைரவரிகள்
தாய்மையின் உன்னதம் பேசுகிறது

உலகில் பெருமைகளை வரிகளால் எழுதிடலாம்
தாயின் பெருமை எழுத முனைத்தால் மொழியில் பஞ்சமாகிவிடும் எழுத்துக்கள்

கவிதை அருமை தோழி

செய்தாலி wrote:அன்பு தாய்க்கு என் வாழ்த்துக்கள் தோழி

தாய்க்காக எழுப்பிய பாச வைரவரிகள்
தாய்மையின் உன்னதம் பேசுகிறது

உலகில் பெருமைகளை வரிகளால் எழுதிடலாம்
தாயின் பெருமை எழுத முனைத்தால் மொழியில் பஞ்சமாகிவிடும் எழுத்துக்கள்

கவிதை அருமை தோழி

நன்றி செய்தாலி!