200 ஆம் ஆண்டு கொண்டாட்டத்தில் வெனிசுலா மக்கள்.

by **ஜிப்ரியா** Thu 7 Jul 2011 - 9:34

வெனிசுலாவின் 56 வயது ஜனாதிபதி ஹியூகோ சாவேஸ் புற்றுநோய் கட்டியால் அவதிப்பட்டார். அவருக்கு கியூபாவில் மூன்று வார மருத்துவ சிகிச்சை மேற்கொள்ளப்பட்டு கட்டிகள் அகற்றப்பட்டன.வெனிசுலா நாடு ஸ்பெயினிடம் இருந்து விடுதலைப் பெற்ற 200ம் ஆண்டு விழா தற்போது துவங்கி உள்ளது. இந்த விழாவில் நோயின் பிடியில் சிக்கிய சாவேஸ் மக்கள் முன்தோன்றினார்.
தலைநகர் காரகாசில் மிகப்பெரும் திரையில் அவர் தோன்றி,"நான் உங்களுடன் இருக்கிறேன். என் ஆன்மாவும் உங்களுடன் தான் உள்ளது" என உணர்ச்சி பெருக்குடன் கூறினார்.பன்னாட்டு நிறுவனங்கள், அன்னிய சக்திகள் இருந்தும் நாம் விடுதலை பெற்று உள்ளோம் என அவர் தெரிவித்தார். 200ம் ஆண்டுவிழாவை இதைவிட சிறப்பாக கொண்டாட முடியாது என்றும் அவர் தெரிவித்தார்.
ஹியூகோ சாவேஸ் கடந்த 1999ம் ஆண்டு முதல் வெனிசுலாவின் ஜனாதிபதியாக இருந்து வருகிறார். வருகிற 2012ம் ஆண்டு தேர்தலிலும் போட்டியிட்டு அடுத்த 6 ஆண்டு ஆட்சி தொடர அவர் விருப்பம் தெரிவித்து உள்ளார்.வெனிசுலாவின் பொருளாதாரத்தின் நிலையை உயர்த்த எரிவாயு மற்றும் எண்ணெய் துறைகளை அவர் நாட்டுடமை ஆக்கினார்..