50 ஆண்டு காலமாக தபால் விநியோகமற்றிருந்த கொழும்பு வாழ் மக்கள்

by **நண்பன்** Mon 22 Aug 2011 - 4:24

50 ஆண்டு காலமாக தபால் விநியோகமற்றிருந்த கொழும்பு வாழ் மக்கள்
கொழும்பு மாநகரத்தில் புளூமென்டல் ரெயில்வே அவனியூவில் வாழும் மக்களுக்கு கடந்த 50 வருடங்களுக்கும் மேலாக தபால் சேவையை பெறுவதற்கான வாய்ப்பு கிடைக்காதிருக்கின்றது.

நாட்டில் பல பகுதிகளில் உள்ள ஓரிரு இடங்களில் இவ் விதம் தபால் விநியோகம் இடம்பெறாதிருப்பது சகஜமே. குறிப்பாக நாட்டின் பின்தங்கிய கிராமப் பகுதிகளிலும்,காடுகளை அண்டியுள்ள பிரதேசங்களிலும் மக்களுக்கு தபால் சேவை பல்வேறு காரணங்களினால் கிடைப்பதில்லை.

இந்த பின்தங்கிய பிரதேசங்களில் வாழும் மக்கள் தங்கள் கிராமத்திலுள்ள ஒரேயொரு உபதபால் நிலையத்துக்குச் சென்றே தமக்கு வரும் கடிதங்களைப் பெற்றுக்கொள்ள வேண்டும்.

ஆனால், இலங்கையின் தலைநகரமான கொழும்பிலும் ஒரு வீதியில் இத்தகைய அவலம் நிலவுவதைப் பார்த்து சரியாக சிந்தித்து முடிவெடுப்பவர்களுக்கு ஒரு பெரும் விந்தையாகத்தானே இருக்கும்!

இதுபற்றி தகவல் அறிந்து சில காலத்துக்குப் பின்னரே இப்பிரதேசத்துக்கான தபால்சேவை ஆரம்பிக்கப்பட்டுள்ளது. இத்தைகைய சீர்கேடுகளுக்கு எவரும் அரசாங்கத்தையோ, தபால்துறைக்குப் பொறுப்பான அமைச்சரையோ குறைகூற முடியாது.

தபால் திணைக்களத்தில் பெரும் பதவியில் குளிரூட்டும் அறைகளில் அமர்ந்து கோவைகளில் கையெழுத்திடுவ துடன், தங்கள் வேலைகளை முடித்து வீடு திரும்பும் உயரதிகாரிகளின் கவனக் குறைவே இதற்கான காரணம்.

எனவே, இனிமேலாவது இந்த உயரதிகாரிகள் தபால் சேவை இடம்பெறும் நாட்டின் நாலா பக்கங்களுக்கும் நேரில் சென்றுபார்த்தால் இதுபோன்ற தபால் சேவைகளின் குறைபாடுகளைக் கண்டறிந்து நிவர்த்திசெய்யக் கூடியதாகவிருக்கும்.