அரக்கத்தனமாக

தான் என்ற எண்ணம் இந்த உலகு அனைத்தையும் தன்னுடைய உடமையாக ஆக்கிக்கொள்ள முயலும் வரை மனிதனின் வாழ்க்கை அசுரமாக (அரக்கத்தனமாக ) இருக்கிறது.

தான் என்பதையும், தனது என்பதையும் முழுமை என்ற உலக உணர்வு பூர்ணமானப் பார்வையில் ஆஹுதி செய்யும் பொழுது , உலகம் ஏற்கனவே அனைவருக்கும் சொந்தமாக இருப்பதை மட்டும் உணர்வதில்லை
மனிதன், தான் மனிதனிலும் மிகவும் உயர்ந்து தேவ நிலையை எய்திய அமைதி அவன் மூச்சில் இழையோடுகிறது.

மனிதனின் அறிவு கணக்குப் போடுகிறது. அடையப் போகும் நிலை,
இப்பொழுது இருக்கும் நிலையை விட போதிய அளவு சுகமும் லாபமும் உடையதாக இருக்குமா?
அதற்காக இதை விடத் துணியலாமா?

லாப நஷ்டக் கணக்கில் உலகின் உயர்வுப் பாதைகள் கட்டப்படவில்லை என்கின்றன ஹிந்து மத சாத்திரங்கள்.

லாப நஷ்டக் கணக்கு பார்த்து, விடலாமா என்று யோசிக்க முடியாது.
தான் என்பதையும், தனது என்பதையும் துணிந்து விட்டபின்னர்தான் புதிய கணக்குகள் திறந்துகொள்கின்றன. விட்டது அல்பம்; பெற்றது மஹத் என்று அப்பொழுதுதான் புரியத் தொடங்குகிறது.

இந்தத் தெளிவு, தான் தனது என்ற இரண்டும் உள்ள பொழுது ஏற்பட்டால் இதையும் கூறு போட்டு விற்கத்தான் ஆறடி நிலத்து ஜமீந்தாரின் லாபக் கணக்கு ( ஆறடி நிலத்து ஜமீன்தார் - நாம் தான் ) புத்தி வேலைசெய்யும். பெரும் மஹத்தை மண்ணுருண்டையாக்கும் வித்தை நம் அஹங்காரத்திற்கே கைவந்த கலை.

எனவேதான். மனிதன் தான் எனும் தூணைப் பிளந்த நரசிம்ஹமாய் வெளிவர வேண்டும் .

மனிதன் மனிதனாக இருப்பதே தனது பிரத்யேக முயற்சியால்தான் . இதுவே மனித வாழ்வின் இயல்பாக அமைந்திருக்கிறது. என்னும் பொழுது, மனிதர் தம்மினும் உயர்ந்த தரத்தினராய் ஆவது என்பது தன்னுடைய தொடர்ந்த சுய உணர்வில், தொடர் முயற்சி செய்வதாலே தான்.

முழு விழிப்பு நிலையே முத்தி மார்க்கத்தின் முதல் படி. அந்த விழிப்பு நிலையின் சடங்காகிவிடாத சைதன்யம் மிக்க பயிற்சிதான் தவம் என்பது.

மனிதன் பிறந்தான் என்ற காரணத்தாலேயே பெரும் கடனாளியாக இருக்கிறான். அவன் அவனாக உருப்பெற்றதற்கு உதவிய உலகக் கூறுகள் ஏராளம். அவனது சுய விழிப்பு முழுமை அடைய அடைய அவன் உணரும் கனமான கடனாக இந்தக் காரண நன்மைகள் கவனத்திற்கு வருகின்றன. இவற்றுக்கு அவன் பிரதி கொடுத்தாக வேண்டும். திருப்பியாக வேண்டிய கடன்கள் பல உண்டு. அவன் அவற்றைத் திருப்பி அளிப்பதுதான் தாநம்.

சமுதாயத்திலிருந்து பலவற்றைப் பெற்றான். அதற்கு அவன் திருப்பி அளிக்க வேண்டியவை தானம் . இயற்கையிலிருந்து பலதும் பெற்றான். அதற்கு அவன் திருப்பி அளிப்பது தாநம்.
தன் முன்னோரிடமிருந்து பலவற்றைப் பெற்றான். அவர்க்குத் திருப்பி அளிக்க வேண்டியவை தாநம்.

எதிர்காலத்தில் மனித குலம் இஹ பர (இம்மை, மறுமை ) வாழ்க்கைகள் இரண்டும் சிறந்து விளங்க வேண்டும் என்று நினைத்த மனிதன் எதிர்காலத்திற்காக அளிப்பது தானம்

சக மனிதன் கஷ்டப் படுவதைக் கண்டு இரக்கம் கொண்டு அளிப்பது என்பது அவன் இயல்பில் வருவது.
நன்கு உணர்ந்து நேர்கொடு நேர் ஆற்றப்படவில்லை என்பதுதான் வித்யாசம்.
இந்த மனித குலப் பொதுமையான மூன்று விஷயங்களிலும் வர்ணப் பாகுபாடுகளைக் கலந்தது போன்ற அவலம் வேறு எதுவும் இல்லை. (பிறப்பால் குலபாகுபாடு, செய்யும் தொழிலால் பாகுபாடு, உயிர் போன பின்னும் இவன் இறைக்கு தொண்டு செய்தவன்/செய்யாதவன் - என்கிற மூன்று விஷயங்கள் தாம்)

எதிர்காலத்தில் மனித குலம் இஹ பர (இம்மை, மறுமை ) வாழ்க்கைகள் இரண்டும் சிறந்து விளங்க வேண்டும் என்று நினைத்த மனிதன் எதிர்காலத்திற்காக அளிப்பது தானம்
://:-: ##*

சிந்தித்து செயல் பட வேண்டி ஒரு கட்டுரை
சிறந்த பகிர்வுக்கு நன்றி அண்ணா

நன்றி முனாஸ்... :”@: