gas சிலிண்டருக்கு பில் அதிகமா 0452-253 3956 ல் புகார் தெரிவிக்கலாம்

by **நேசமுடன் ஹாசிம்** Sun 10 Jul 2011 - 16:39

இந்தியச் செய்தி

gas சிலிண்டருக்கு பில் அதிகமா 0452-253 3956 ல் புகார் தெரிவிக்கலாம் HY21CYLINDER_232565f

எல்லா விஷயத்திலும் பேரம் பேசும் நாம் காஸ் சிலிண்டருக்கு பில் தொகைக்கு மேல் 30 முதல் 40 ரூபாய்
கூடுதலாக கொடுக்கிறோம். தராவிடில் அடுத்தமுறை சிலிண்டர் வர தாமதப்படுத்துவார்களோ? என்ற அச்சம்.

நம்மிடம் விழிப்புணர்வு இல்லாததே காரணம்.காஸ் ஏஜன்சிகள் வழங்கியுள்ள ஊதா நிற புத்தகத்தில் 6 காலங்கள் உள்ளன. இதை 90 சதவீதம் பேர் பயன்படுத்துவதேயில்லை. இதில் வரிசை எண், காஸ் பதிவு செய்தபின் காத்திருப்பு எண் மற்றும் உத்தேசமாக காஸ் வினியோகிக்கப்படும் நாள், சிலிண்டர் பெறும் ரசீது எண், காஸ் வினியோகிக்கப்பட்ட நாள், டெலிவரி செய்யும் ஊழியரின் கையொப்பம், நுகர்வோர் கையொப்பம் ஒவ்வொரு முறையும் பூர்த்தி செய்யவேண்டும். இதை பின்பற்றினால் தவறுகளை தவிர்க்க முடியும். முன்னெச்சரிக்கையாக, சில ஏஜன்சிகள் வாடிக்கையாளர்களின் காஸ் இணைப்பு எண் "ஸ்டிக்கர்' கொடுத்துள்ளனர். இதில் வாடிக்கையாளர்களின் கையெழுத்திட்டு, சிலிண்டரை வேறொருவருக்கு மாற்றிவிடும் முறைகேடு தடுக்கப்படும். சிலிண்டரை எடைபோட்டு வாங்க வேண்டும். நுகர்வோர், ஏஜன்சியில் நேரடியாக சிலிண்டர் வாங்கும் போது, தலா எட்டு ரூபாய் தள்ளுபடி உண்டு. இனாம் கொடுக்கவும் தேவையில்லை. இது ஏஜன்சி ரசீதின் கீழ் குறிப்பிடப்பட்டுள்ளது. காஸ் முன் பதிவு செய்ய எஸ்.எம்.எஸ்., அனுப்பலாம். காஸ் வினியோகத்தில் குறைகள் ஏற்பட்டால், ஏஜன்சியில் புகார் செய்யலாம். தீர்வு கிடைக்காவிடில் காஸ் விற்பனை உயரதிகாரிகள், மாவட்ட வழங்கல் அலுவலரிடம் முறையிடலாம். தமிழக நுகர்வோர் பாதுகாப்பு மைய மாநில இணைச் செயலாளர் தயானந்தன் கூறியதாவது: சிலிண்டர்களை எடை போட்டு, வாடிக்கையாளர்களுக்கு வினியோகிக்க காஸ் ஏஜன்சிகளுக்கு தராசுகள் வழங்கப்பட்டுள்ளது. இதை பயன்படுத்துவதில்லை. ஒரு ஊழியர் தினமும் 50 சிலிண்டர் வினியோகிக்கிறார் எனில், இனாம் வசூலிப்பதன் மூலம் 1500 ரூபாய் கூடுதல் வருமானம் பார்க்கிறார். நான் இதுவரை கூடுதல் தொகை கொடுத்ததில்லை என்றார்.மதுரை இன்டேன் விற்பனை மேலாளர் மனோகரன் கூறியதாவது: சிலிண்டருக்கு கூடுதல் தொகை கொடுக்கத் தேவையில்லை. ஏஜன்சிகளால் செல்லமுடியாத தொலைதூர பகுதிகளைச் சேர்ந்தவர்கள், நேரடியாக சிலிண்டர் பெறலாம். அவர்களுக்கு எட்டு ரூபாய் மானியம் உண்டு. அவர்கள் 80 ரூபாய் பத்திரத்தில் நோட்டரி பப்ளிக் கையெழுத்து வாங்கி, ஏஜன்சிகளிடம் சமர்ப்பிக்க வேண்டும். கூடுதல் தொகை பெற கட்டாயப்படுத்தினால் 0452-253 3956 ல் புகார் தெரிவிக்கலாம் என்றார்.

by **முனாஸ் சுலைமான்** Sun 10 Jul 2011 - 16:47

இந்திய மக்களுக்கு நல்லதொரு அறிவிப்பு நன்றி நண்பரே.

gas சிலிண்டருக்கு பில் அதிகமா 0452-253 3956 ல் புகார் தெரிவிக்கலாம்

gas சிலிண்டருக்கு பில் அதிகமா 0452-253 3956 ல் புகார் தெரிவிக்கலாம்

Re: gas சிலிண்டருக்கு பில் அதிகமா 0452-253 3956 ல் புகார் தெரிவிக்கலாம்