ஆட்சி மாற்றத்திற்காக காத்திருந்தேன்! - செய்தியாளர் சந்திப்பில் நடிகை ரஞ்சிதா

வீண்பழி சுமத்தப்பட்டதோடு, சென்னைக்குத் திரும்பி வரக்கூடாதென மிரட்பட்டு, விரட்டப்பட்டிருந்த நான், ஆட்சி மாற்றத்திற்காக் காத்திருந்தேன் என, இன்று மாலை சென்னையில் நடைபெற்ற செய்தியாளர் சந்திப்பில் நடிகை ரஞ்சிதா தெரிவித்தார்.
நித்தியானந்தா வீடியோ விவகாரத்தின் பின் சென்னையிலிருந்து தலைமறைவாகியிருந்த நடிகை ரஞ்சிதா, இன்று சென்னை போலீஸ் கமிஷனர் திரிபாதியை சந்தித்து, தனது வாழ்வில் களங்கமும், குழப்பமும் ஏற்படுத்திய வீடியோ போலியானது எனவும், அதுபற்றிய உண்மைகளை ஆராய்ந்து வெளிப்படுத்தித் தனக்கு நீதி வழங்குமாறும் புகார் அளிப்பார் என்றும், அதன் பின் மாலை செய்தியாளர்களைச் சந்திப்பார் எனவும் ஏற்கனவே தெரிவிக்கப்பட்டிருந்த நிலையில் இன்று மாலை செய்தியாளர்களைச் சந்தித்த ரஞ்சிதா "சென்னைக்கு தான் திரும்பி வருவது தொடர்பில் எச்சரிக்கப்பட்டிருந்ததாகவும், ஆட்சிமாற்றத்தின் பின்னரே அந்த அச்சுறுத்தல் அகலும் என்பதை உணர்ந்து, ஆட்சிமாற்த்திற்காகக் காத்திருந்தேன்" எனக்குறிப்பிட்டார்.

அவர் மேலும் பேசுகையில்;" அச்சுறுத்தியவர்கள் யார் என்ற விபரத்தை கமிஷனரிடம் தெரிவித்துள்ளபோதும், தற்போது வெளியிட விரும்பவில்லை என்றும், தமிழகத்தின் நிகழ்ந்துள்ள ஆட்சி மாற்றத்ததின் காரணமாகவே தான் இப்போது பயமின்றி வரமுடிந்தது என்றும், இந்த ஆட்சியில் தனக்கு முறையான நீதி கிடைக்குமென நம்புவதாகவும்" குறிப்பிட்டார்.

தன்மீது அவதூறு சுமத்தியதாக தினகரன் இதழ், தினகரன் இணையத்தளம், நக்கீரன் இதழ், நக்கீரன் இணையத்தளம், மற்றும் சன்டி.வி, ஆகிய ஊடககங்கள் மீது அவர் புகார்தொடுத்துள்ளதாகவும் அறியப்படுகிறது. இந்தப் புகாரின் பிரதிகள் செய்தியாளர் சந்திப்பில் வழங்கப்படலாம் என எதிர்பார்க்கப்பட்டபோதும் அவை வழங்கப்படவில்லை. மேலும் செய்தியாளர்களினால் அவ் வீட்டியோவில் நித்தியானந்தருடன் இருப்பது குறித்துக் கேட்கப்பட்ட போது, "இவ்வளவு சொன்னதன் பிறகும் இதே கேள்வியை எத்தனைமுறை கேட்பீர்கள் ?" எனக்கேட்டவாறு சந்திப்பினை நிறைவு செய்து கொண்டதாகவும் தெரிவிக்கப்படுகிறது.

எதற்கு? ஆளை மாற்றுவதற்கா?