மல்லாவியில் மோட்டார்சைக்கிளில் சிறுமியை கடத்த முயற்சி!

by **mufees** Thu 14 Jul 2011 - 21:32

மல்லாவி சந்தைப் பகுதியில் 15 வயதுச் சிறுமியொருவரைக் கடத்திச் செல்ல எடுக்கப்பட்ட முயற்சி முறியடிக்கப்பட்டுள்ளதாகத் தெரிவிக்கப்பட்டுள்ளது.

நேற்றுமுன்தினம் முற்பகல் 10 மணியளவில் அனிஞ்சியன் குளத்தைச் சேர்ந்த இந்தச் சிறுமி பொருள்களை வாங்குவதற்காக மல்லாவிச் சந்தைக்கு வந்துள்ளார்.

சந்தைக்கு அண்மித்த இடத்தில் சனநடமாட்டம் குறைந்த இடத்தில் இவர் வந்து கொண்டிருக்கும் போது மோட்டார்சைக்கிளில் வந்த நபரொருவர் இந்தச் சிறுமியின் கையைப் பிடித்து இழுத்ததுடன் தம்மோடு வருமாறு வற்புறுத்தியுள்ளார்.

சிறுமி கூச்சலிட்டதனால், அங்கு மக்கள் ஓடிவந்ததையடுத்து, மோட்டார்சைக்கிள் நபர் தப்பிச்சென்றுவிட்டதாகத் தெரிவிக்கப்படுகின்றது.

குற்றவாளி இதுவரை பிடிபடவில்லை. சிறுமியின் வாக்குமூலத்தை மல்லாவிப் பொலிஸார் பதிவுசெய்துள்ளனர்.

இந்தச் சம்பவத்தினால் இப்பகுதி மக்கள் பீதியடைந்துள்ளனர். மல்லாவியில் மோட்டார்சைக்கிளில் சிறுமியை கடத்த முயற்சி! 11baby

மல்லாவியில் மோட்டார்சைக்கிளில் சிறுமியை கடத்த முயற்சி! 11baby