விமல் வீரவன்சவின் கட்சி உடைகிறது: அசல ஜாகொட வெளியேற்றம்

by **நண்பன்** Thu 23 Dec 2010 - 18:54

அமைச்சர் விமல் வீரவன்ச தலைமையிலான கட்சி இரண்டாக உடைந்துள்ளதாக கொழும்புத் தகவல்கள் தெரிவிக்கின்றன.

அவரது கட்சி தேசியப் பட்டியல் உறுப்பினரான அசல சுரங்க ஜாகொட கட்சியை விட்டு வெளியேற்றப்பட்டுள்ளார். கடந்த மே மாதம் தொடக்கம் கட்சிக்குள் நிலவிய பனிப்புயல் தற்போது வெளிச்சத்துக்கு வந்திருப்பதாக எமது செய்தியாளர் தெரிவிக்கின்றார்.
பொதுத் தேர்தலைத் தொடர்ந்து தேசியப் பட்டியல் நியமனத்தின் போது ஜாகொடவுக்குப் பதிலாக வேறொருவரை நியமிப்பதற்கே விமல் வீரவன்ச விரும்பியிருந்தார். ஆயினும் அரசாங்கம் அவரது பெயரை வர்த்தமானி அறிவித்தலாக வெளியிட்டது.
அதன் பின் அமைச்சரவை நியமனத்தின் போது அசல ஜாகொடவுக்கும் அமைச்சர் பொறுப்பொன்றைக் கொடுப்பதற்கு அரசாங்கத்தின் முக்கியஸ்தர்களும், ஜனாதிபதியும் விரும்பியிருந்தனர். ஆயினும் அமைச்சர் விமல் வீரவன்ச அதனை விரும்பவில்லை. தனக்கு மட்டும் அமைச்சர் பதவி போதுமென்று தெரிவித்து விட்டார்.
அதன் காரணமாக கடந்த காலங்களில் அசல சுரங்க ஜாகொடவுக்கும் அமைச்சர் வீரவன்சவுக்கும் இடையிலான கருத்து மோதல் படிப்படியாக வலுப்பெற்று வந்திருந்தது. தற்போது ஜாகொட கட்சியிலிருந்து நீக்கப்பட்டுள்ளார். ஆயினும் அவரது பாராளுமன்ற உறுப்புரிமையை நீக்குவதில் சட்டச்சிக்கல்கள் எழலாம் என்பதால் அந்த விடயத்தில் விமல் வீரவன்ச எதுவும் செய்ய முடியாது போகலாம்.
அதே நேரம் ஜாகொடவும் தன் ஆதரவாளர்களாக கொஞ்சப் பேரைச் சேர்த்துக் கொண்டு அரசாங்கத்துடன் தொடர்ந்தும் ஒட்டியிருக்கவே செய்வார். எதிர்வரும் காலங்களில் அவருக்கும் பிரதியமைச்சர் பதவிகள் கிட்டினால் கூட ஆச்சரியமில்லை