மனிதாபிமான நடவடிக்கை குறித்து உலகுக்குத் தெளிவுபடுத்துவோம்

by **நண்பன்** Fri 29 Jul 2011 - 14:07

மனிதாபிமான நடவடிக்கை குறித்து உலகுக்குத் தெளிவுபடுத்துவோம்
C-4க்கு நாம் பதிலளிக்க போவதில்லை அமைச்சரவை பேச்சாளர்
கே. அசோக்குமார்
செனல் 4 ஊடாக ஒளிபரப்புகின்ற ஒளி நாடாவை நாம் முற்றாக நிராகரிக்கிறோம். இதற்கு நாம் பதிலளிக் கப் போவதுமில்லை. எனினும், மனிதாபிமான நடவடிக்கைகளின்போது எவ்வாறான முன்னெடுப்புகளை மேற்கொண்டோம் என்பது பற்றி உலகத்துக்கு தெளிவுபடுத்துவோம் என அமைச்சர் கெஹலிய ரம்புக்வெல்ல கூறினார்.

மனிதாபிமான நடவடிக்கையின் போது எடுக்கப்பட்ட முன்னெடுப்புகள் தொடர்பான பூரண அறிக்கையொன்று தயாரிக் கப்பட்டுள்ளது.

பாதுகாப்பு அமைச்சின் செயலாளர் கோதாபய ராஜபக்ஷ ஜனாதிபதி மஹிந்த ராஜபக்ஷ அவர்களிடம் இந்த அறிக்கையை கையளித்துள்ளார். இது ஒரு வெளிப்படையான அறிக்கையாகும்.

செனல் 4 ஒளிபரப்பு தொடர்பாக நாம் அலட்டிக்கொள்ள போவதில்லை. இதற்கு முன்னரும் இதேபோன்று மூன்று ஒளி நாடாக்களை செனல் 4 வெளியிட்டிருந்தது. அவை போலியானவை என்பதையும் அன்றே நிரூபித்துவிட்டோம்.

முன்னாள் ஜனாதிபதி சந்திரிகா பண்டாரநாயக்காவின் புதல்வர் விமுக்தி இந்த செனல் 4 ஒளிநாடாவை பார்த்துவிட்டு தான் இலங்கையர் என்றே சொல்வதற்கு வெட்கப்படுகிறேன் என்று கூறியிருக்கிறாரே என செய்தியாளர் ஒருவர் கேட்ட போது,

‘அவர் ஒரு இலங்கையர் என கூறுவதற்கு நாங்கள் வெட்கப்படுகிறோம்’. ஏனெனில் பயங்கரவாதிகளின் தாக்குதல் காரணமாக அவரது தாயாரின் கண் ஒன்றையே இழக்க நேரிட்டது. இவ்வாறான நிலையில் பயங்கரவாதிகளுக்கு துணைபோகும் விதத்தில் முன்னாள் ஜனாதிபதி சந்திரிகாவின் புதல்வர் கூறியிருப்பதை எண்ணும் போது நான் வெட்கப்படுகிறேன் என்றும் அமைச்சர் கெஹலிய குறிப்பிட்டார்.