கடற்படையை வலிமையாக்க நடவடிக்கை

கடற்படையை வலிமையாக்க நடவடிக்கை

இந்தியாவின் பாதுகாப்பை பலப்படுத்தும் முயற்சியில் இறங்கி உள்ள நரேந்திரமோடி அரசு, முதற்கட்டமாக கடற்படையை வலிமை உள்ளதாக மாற்ற நடவடிக்கை எடுத்து வருகிறது.
இந்திய கடற்படை என்பது உலகின் மிகப் பெரிய கடற் படைகளில் ஒன்றாகும். தற்போது இரண்டு விமானம் தாங்கி கப்பல்கள், ஒரு ஆயுதங்கள் கொண்டு செல்லும் கப்பல், 9 லேண்டிங் 'pப் டேங்க்ஸ், 9 நாசகாரி கப்பல் கள், 15 போர் கப்பல்கள், ஒரு அணுசக்தி நீர்மூழ்கி கப்பல், 14 போர் நீர்மூழ்கி கப்பல்கள், 25 வழித்துணை கப்பல்கள், 7 கடல் கண்ணிவெடி கண்டறியும் கப்பல்கள், 10 கடலோர காவல் கப்பல்கள் உள்ளன. மேலும் சரக்கு, எரிபொருள் கொண்டு செல்லும் கப்பல்கள் மற்றும் சிறிய ரக கப்பல்கள் என ஏராளமாக உள்ளன.
இருப்பினும் பரந்த நீண்ட கடல் பரப்பு கொண்ட இந்தியாவிற்கு இவை போதுமானதாக இல்லை. மேலும் கடந்த சில ஆண்டுகளாக இந்தியாவிற்கு கடல் மார்க்க மாக ஆபத்துக்கள் வருவதால் இந்திய கடற்படையை மேலும் பலமுள்ளதாக்க வேண்டிய கட்டாயம் ஏற்பட்டு ள்ளது. இதை கருத்தில் கொண்டு மேலும் 40 போர்க் கப்பல்களை கட்ட, கடற்படை ஆர்டர் கொடுத்துள்ளது. பிரதமர் நரேந்திரமோடி பதவி ஏற்ற பின்னர், ஐஎன்எஸ் விக்ரமாதித்யா, ஐஎன்எஸ் கொல்கட்டா மற்றும் ஐஎன்எஸ் கமோர்த்தா ஆகிய போர்க்கப்பல்கள் நாட்டிற்காக அர்ப் பணிக்கப்பட்டுள்ளன. மேலும் நாசகாரி நீர்மூழ்கி கப்பல் ஒன்றும் கடற்படையில் இணைக்கப்பட்டுள்ளது.
இந்நிலையில் மாஸ்கான் டக்ஸ் என்ற நிறுவனம் இந்திய கடற்படைக்காக அதிநவீன நீர்மூழ்கி கப்பல் ஒன்றை கட்டி வருகிறது. இதன் தற்போதைய நிலையை அறிய மத்திய நிதி மற்றும் பாதுகாப்பு துறை அமைச்சர் அருண்nஜட்லி பார்வையிட உள்ளார். இவருடன் கடற் படை தளபதி அட்மிரல் ரொபின் தோவானும் செல்கிறார். பிரதமர் நரேந்திரமோடியின் தலைமையில் பொறுப்பேற் றுள்ள புதிய அரசு, பாதுகாப்பு துறை சம்பந்தமான அனைத்தும் உள்நாட்டிலேயே தயாரிக்கப்பட வேண்டும் என்பதில் உறுதியாக உள்ளது.
இதையடுத்து சர்வதேச அளவில் போர் விமானங்கள், போர் கப்பல்கள் மற்றும் ஆயுத, கவச வாகனங்கள் உள்ளிட்டவைகளை தயார் செய்யும் பிரபல நிறுவ னங்கள், இந்தியாவில் தங்கள் தயாரிப்புக்களை தயாரிக்க அழைப்பு விடுக்கப்பட்டுள்ளது. இதைத் தொடர்ந்து பல நிறுவனங்கள் மிக விரைவில் இந்தியாவில் தங்கள் உற்பத்தியை துவங்க உள்ளன. இதன் மூலம் இந்திய இராணுவம், கடற்படை மற்றும் விமானப்படை ஆகியவை சர்வதேச தரத்திற்கு வலிமை வாய்ந்ததாக உருவெடுக் கும் என்று கருதப்படுகிறது.

தினகரன்

இது எங்கு போய் முடியப்போகிறதோ தெரிய வில்லை 
பொறுத்திருந்து பார்ப்போம் என்ன வித்தைகள் நாம் இன்னும் காண விருக்கிறோமோ தெரியல